EHUk Bigarren Hezkuntzako ikastetxeetako orientazio-arduradunei zuzendutako ekimen hau antolatzen du. Helburua da EHUko graduko ikasketen alderdi nagusienen berri ematea, orientatzaileek unibertsitate aurreko ikasleei informazioa eta orientazioa eman ahal izan diezaieten ikasketak aukeratzeko orduan.

Fakultate eta eskola desberdinetako unibertsitate-irakasleek osatutako lantaldeei esker, Unibertsitatea eta Bigarren Hezkuntzako etapa elkarrengana hurbiltzea eta lankidetza-sareak eraikitzea lortu nahi da, unibertsitateko eta unibertsitate aurreko irakasleen eta orientazio arduradunen arteko harremanetarako gune bat eskainiz.​​​​