Euskal Herriko Unibertsitatea Euskal Herriko Unibertsitatea

Breadcrumb

Jarduera Praktikoak 2026 (Osoa)

Jarduera Praktikoak

Unibertsitatea ezagutzeko lehen hurbilketa bat izan nahi duzu? Unibertsitateko ikastegietara joan eta graduko ikasketak modu praktikoan (esperimentuen, simulazioen, muntaketen, sorkuntzen, rol-playing-aren eta abarren bidez) ezagutu nahi al dituzu?

Euskal Herriko Unibertsitateak gonbidatu egiten zaitu, Eusko Jaurlaritzarekin elkarlanean, 2026ko urtarrilaren 12tik otsailaren 6ra bitartean egingo diren jarduera praktiko hauetan parte hartzera.

Jarduera praktikoen bideoaren transkripzioa

Parte hartu ahal dutenak

Euskal Autonomia Erkidegoko Batxiler, Lanbide Heziketako Goi Mailetako Ziklo, Arte Ikasketa eta Kirol Ikasketetako lehenengo mailako ikasleak.

Aipatutakoez gain, Bigarren Hezkuntzako ikastetxeetako irakasleak eta orientatzaileak ere bai.

Campusen araberako jardueren eskaintza

Parte hartzeko prozedura

1. Eskaera egitea (ikasleek) Abenduraren 1etik 12ra
2. Balidatzea (orientatzaileek) Abenduaren 15ean eta 16an
3. Plazak zozketatu eta esleitzea Abenduaren 18an

Parte hartzeko jarraitu beharreko urratsak:

  1. Eskaera egin abenduraren 1etik 12era, esteka honetan, interesatzen zaizkizun jardueretan.  Eskaera banakakoa eta nahitaezkoa da.
    Gehienez, 5 jarduera praktiko eska ditzakezu. Jarduera bakoitzean nahi adina saio eska ditzakezu, plazen zozketan aukera gehiago izan dezazun.

  2. Bigarren Hezkuntzako zure ikastetxeko orientaziorako langileek abenduaren 15ean edo 16an balidatu beharko dute zure eskaera (baieztatu beharko dute ikastetxe horretako ikaslea zarela eta lehen mailan zaudela), behin betikoa izan dadin. Esteka honetan balidatu beharko da.
    Ikastetxeak balidatu ez dituen eskaerak ez dira kontuan hartuko zozketan parte hartzeko.

  3. Abenduaren 18an zozketatuko dira plazak balidatutako pertsona guztien artean. Esteka honetan kontsulta dezakezu zozketaren emaitza.

Zozketan plazarik lortu baduzu, gordekina gorde eta/edo inprimatu behar duzu unibertsitateko ikastegian aurkezteko jarduera praktikoaren egunean eta orduan. Itxaron zerrendan geratu eta bajaren bat gertatu bada, posta elektronikoz jakinaraziko zaizu plaza esleitu zaizula.

OSO GARRANTZITSUA! Azkenean parte hartu behar ez baduzu, EZABATU zure eskaera lehenbailehen, zure plaza berresleitu ahal izateko. Jarduera praktikoa izan baino 5 egun lehenago arte ezaba dezakezu zure eskaeran sartuta.

Jardueretarako beharren bat izanez gero, idatzi mezu bat iaz@ehu.eus helbidera, urtarrilaren 7a baino lehen, zure egoeraren berri emateko.