CV laburra

Seoane-Rivero doktoreak 2011n eskuratu zuen Kimikan Lizentziatura Euskal Herriko Unibertsitateko (EHU/UPV) Zientzia eta Teknologia Fakultatean, eta 2012an, Material Berrietan Masterra egin zuen unibertsitate berean. 2016an, “Kumarinan oinarritutako poliuretano-estaldura fotosentikor eta autoerreparagarri berriak” izeneko doktorego-tesia defendatu zuen, EHU/UPVko Materialen Zientzia eta Teknologia Doktorego Programaren baitan. Bere ikerketa doktoregoa Polimeroen Zientzia eta Teknologia Institutuan (CSIC) eta GAIKER Zentro Teknologikoan egin zuen lankidetzan. 2020an, Seoane-Rivero doktoreak bere ibilbide zientifikoa osatu zuen Enpresa Administrazio eta Zuzendaritzako Executive MBA eginez EHU/UPVn. Master Amaierako Lanari aitorpen berezia jaso zion, garatutako plan estrategikoagatik.

Ibilbide profesionalean, bai eremu akademikoan bai industrialean jardun du ikertzaile gisa. GAIKER Zentro Teknologikoan, Konposite eta Polimero Funtzional Jasangarrien Sailean egin zuen lan. 2020ko urtarriletik 2024ko abuztura bitartean, Irakasle Elkartua izan zen Gipuzkoako Ingeniaritza Eskolan. Gaur egun, Bilboko Ingeniaritza Eskolako Ingurumen eta Ingeniaritza Kimikoa Sailean Irakasle Laguntzailea da. Bere ibilbide profesionalean zehar, Seoane-Rivero doktoreak 14 urte baino gehiagoko esperientzia pilatu du polimero eta konposite materialen eraldaketan eta funtzionalizazioan. Ikerketa-lanen emaitzak 20 artikulu zientifiko, 14 kongresu-ekarpen eta 3 patente dira.