Eguna: 2029/09/23
Ordua: 12:00
Lekua: Paraninfoa

Hitzaldia: "Cómo medir el machismo en los medios: la experiencia del Observatorio". Iker Merchán

Nola neurtzen da matxismoa albisteetan? Kazetaritza Matxistaren Behatokia (periodismomachista.com) gizarte zientzietako ikerkuntzara hurbiltzeko abiapuntua da. Adibide errealekin, alborapenak nola detektatu eta oharkabean igaro daitezkeen desberdintasunak nola aztertu ikusiko dugu. Zer adierazten du bati «Pradales» deitzeak eta beste bati «María Chivite», kargu baliokideak dituztenean eta bere abizenek antzeko ospea dutenean? Galderak egiteko, ebidentziak jasotzeko eta emaitzek harritu gaitzaketela onartzeko moduaz hitz egingo dugu. Hedabideei jakin-min zientifikoz begiratzeko eta edozein zientziaren helburua partekatzeko gonbita da: ezagutza sortzea eta zabaltzea.

Iker Merchán Kazetaritzan doktorea da Euskal Herriko Unibertsitatean, eta Gizarte eta Komunikazio Zientzien Fakultateko irakaslea da 2016tik. Bitartez ikerketa-taldeko kidea da, eta ingurune digitaletako komunikazioari esker gizarte-bazterketa murrizteko eta berdintasuna sustatzeko bideak ditu ikerketa gai nagusi. Ikerketa-egonaldiak egin ditu Budapesteko Central European Universityn eta Buenos Airesko Unibertsitatean. Honetaz gain, irakasle gonbidatua izan da Università di Sienan, Madrilgo Carlos III Unibertsitatean, Deustuko Unibertsitatean, Mondragon Unibertsitatean eta Kantabriako Unibertsitatean.