Unibertsitateen G9 taldea irabazi asmorik gabeko erakunde bat da, eta honako unibertsitate publiko hauek osatzen dute: Kantabriako Unibertsitatea, Gaztela-Mantxako Unibertsitatea, Extremadurako Unibertsitatea, Universitat de les Illes Balears, Errioxako Unibertsitatea, Oviedoko Unibertsitatea, Euskal Herriko Unibertsitatea, Nafarroako Unibertsitate Publikoa eta Zaragozako Unibertsitatea.

Bederatzi unibertsitate horiek  G9-ren Unibertsitatearteko Campus Birtuala eratzen dute eta Burgoseko Unibertsitatearen eta Murciako Unibertsitatearen lankidetzarekin aurten beren unibertsitateetako irakasle eta ikertzaileentzako XII. Prestakuntza Plana kaleratu dute.

Aurtengoa Irakasle eta Ikertzaileentzako XII Prestakuntza Plana da eta eskaintza, osorik online eta doakoa dena, 45 ikastarok osatzen dute, ondoko 4 arlotan banatzen direlarik:

• On-line formatzaileentzako Prestakuntza
• Hezkuntza Digitalerako Metodologia
• Hezkuntza Material eta Baliabide Digitalak
• Ikaskuntzarako Ebaluazioa

Ikastaro bakoitzaren deskribapen zehatza ondoren eskuragarri duzuen liburuxkan aurki daiteke. Izen-emateko epea 2024ko otsailaren 2tik 22ra da. Izen-ematea G9-ren webgunearen bidez egin daiteke (www.uni-g9.net), inprimaki bat beteta. Irakasle eta ikertzaile bakoitzak, gehienez, bi prestakuntza-ikastarotan eman dezake izena.

Prestakuntza-ikastaro bakoitzeko, 5 plazako kupoa gordetzen da unibertsitateko. Plazak esleitzeko, kontuan hartuko dira izen-ematearen hurrenkera eta unibertsitatearekiko atxikipena. Unibertsitateren batek kupoa bete ezean, plazak beste unibertsitate bateko irakasleei esleituko zaizkie, izen-ematearen hurrenkeraren arabera. Gero, G9-ren unibertsitate bakoitza plazak esleitzeaz arduratuko da, izena eman dutenen artean.