Plan honek, gradu eta Graduondoko Ikasketen Errektoreordetzak ad hoc eskatuta, erantzun koordinatua eskaintzea du helburu, Fakultateko Gizarte Langintza eta Lan Harreman eta Giza Baliabideen Graduetako irakaskuntza presentziala aldi baterako etetea dakarren larrialdiaren aurrean.

Irakaskuntza ez-presentziala bermatzeko hedapenak IIP eta ikasleak kontuan hartzea ekarriko du batez ere, titulazio koordinatzaile, modulu koordinatzaile eta irakasgai koordinatzaileen eginkizunen bitartez. Horren helburua da ikasleek, ahal den neurrian, beren ikaskuntza-prozesuarekin jarraitu ahal izatea, gure esku dauden bitarteko guztien bidez, ahalik eta eraginkortasun handienarekin. Horregatik, irakasleek lehentasuna emango diote ikasleei arreta emateko lanari, planteatzen dituzten zalantzei eta galderei erantzun azkarra emateko.