Natura- eta gizarte-zientziak barne hartuz, diziplinarteko ikuspegi batetik heldu nahi dio Katedra honek iraunkortasunari eta ingurumen-hezkuntzari buruzko ikerketa eta azterketa berezituan sakontzeko erronkari. Mundu akademikoaren, gizarte- eta politika-eragileen eta oro har gizarte osoaren arteko elkarlana da gure lan-metodologia. Izan ere, benetako arazoei konponbidea emateko egiten ditugu ekintza guztiak.
Euskal Herriko eta bereziki Urdaibaiko Biosfera Erreserbako garapen iraunkorrarekin loturiko arazoak ulertzeko eta konpontzeko helburua dute gure ikerketa-proiektuek. Urdaibaiko Biosfera Erreserbakolurraldea saiakuntzak egiteko eta frogatzeko gune izatea nahi dugu. Era berean, zientzia-lankidetza eta garapen iraunkorrari buruzko emaitzen eta esperientzien transferentzia sustatzen dugu, UNESCOren katedra-sarearen, UNESCOren munduko biosfera-erreserben sareen eta beste sare akademiko eta zientifiko batzuen bidez.