Unibertsitateko Bibliotekak, irakaskuntzan eta ikerketan integratutako informazio baliabideen zentroa den aldetik, EHUko irakasle eta ikertzaileei eskaintzen die zerbitzua ikerketa jarduera ebaluatzeko, ebaluazio agentzien (ANECA-CNEAI eta UNIBASQ) deialdietan aurkeztu beharreko adierazleak aurkitzeko (aipamenak, datu-baseetako indexazioa, ebaluazio baliabideak...).

Baldintzak

• Unibertsitateko Bibliotekak tipologia hauetako argitalpen zientifikoen seiurtekoak ebaluatzeko inpaktu- eta garrantzi- adierazleak bilduko ditu: artikulu zientifikoak, liburuak eta liburuen kapituluak eta kongresuetako aktak eta komunikazioak. Ez dira sartuko patenteak, arte sorkuntzak, erakusketak, proiektu teknologikoak edo arkitektonikoak eta abar.
• Unibertsitateko Bibliotekak ezin du bete ebaluatzeko eskabide elektronikoa, deialdi bakoitzerako aktibatua bere egoitza elektronikoan.
• Bibliotekak ez du inolako baloraziorik egiten eta ez du erantzukizunik izango balorazioa negatiboa bada.
• Erabiltzaile bakoitzeko 5 ekarpen ezarri dira gehienez. Horretarako prestatutako formularioa erabiliz bidali behar dira. Ez da ekarpen gehiagorik sartu behar oharren atalean.
• Txostenak eskatzeko epea: azaroak 6
• Lehentasuna izango dute aurreko deialdietan zerbitzu hau erabili ez zuten ikertzaileek. Zerbitzua aurreko urteetan erabili bazenuen, Unibertsitateko Bibliotekak jakinaraziko dizu, epea itxi ondoren, zure eskaerari erantzun ahal zaion ala ez.
• Behin betiko txostenak urtarriletik aurrera zerbitzua erabiltzen duten pertsonei bidaliko zaizkie, 2026eko deialdirako seiurtekoak ebaluatzeko behin betiko irizpideak ezagutu ondoren.

Gogoan izan eskabideko ekarpenak sarbide irekiko biltegi batean gordeta egon behar direla. Informazio gehiago.