Gizarteratze- eta enplegu-politiken ebaluazioa: ikuspegiak, begiradak eta esperientziak

Egitaraua

• 9:00-9:30
  Irekiera, Joxerramon Bengoetxea (EHUko Errektorea) eta Fernando Fantova (Enplegu eta Gizarteratze Politiketarako ebaluaziorako Organoaren arduraduna).

• 9:30-11:00
  Politika publikoen ebaluaziorako markoa, akademiatik kanpo eta akademiaren baitatik.
  Juan Andrés Ligero (Carlos III Unibertsitateko irakaslea eta UCMko Programa eta Politika Publikoen Ebaluaziorako Masterreko ko-zuzendaria).
  Moderatzen du: Maite Sanz (Besaldi).

• 11:00-11:30 Kafea

• 11:30-13:00
  Enplegu eta gizarteratze politiken ebaluzioaren gainean ekarpenak.
  Xavier Godás (Soziologian doktorea eta politika publikoetan aholkularia) eta Raleñ Samz (SIIS – Gizarte Informazio eta Ikerketa Zerbitzua).
  Moderatzailea: Marian Díez (Hegoako Presidentea eta EHUko Ekonomia Aplikatua I saileko irakasle jubilatua).

• 13:00-14:15 Tailerra

• 14:15-15:15 Luntxa

• 15:15-16:45
  Zeharkakotasuna eta intersekzionalitatea enplegu eta gizarteratze politiken ebaluazioan.
  Julia Espinosa Fajardo (Irakasle Tittularra, Sevillako Unibertsitateko soziologia sailean) eta Sara Buesa (Gizarteratze saileko Zuzendaria Eusko Jaurlaritzan).
  Moderatzailea: Uxue Zugaza (Zientzia Politikoko saila, EHU).

• 16:45-18:15
  Enplegu eta gizarteratze politiketan ebaluazioa eta partaidetza.
  Alfonso López (EAPN) eta Arantxa Mendieta (SIIS Fundazioa).
  Moderatzailea: Miriam Ureta (EHU).

• 18:15-19:30 Itxiera tailerra eta ondorioak

Ikuspegia

Jardunaldi hau Euskal Herriko Unibertsitateak antolatu du, Besaldi-Enplegu eta gizarteratze politikak ebaluatzeko organoaren laguntzarekin, eta EHU eta Besaldiren artean epe luzera abiaraziko den lankidetza prozesu baten baitan kokatzen da. Lankidetza prozesu honen helburua enplegu eta gizarteratze politika publikoen ebaluazioaren erakundetze bidean aurrera egiteko sinergiak sortzea da. EhuGune, unibertsitatea eta gizartearen harremanetarako zuzendaritzak, bultzatzen du.

Jardunaldi hauen bidez, unibertsitate komunitatearen eta enplegu-politiken eta gizarte-kohesioaren ebaluazioa hobetzeko interesa duen eragile, kolektibo eta pertsona ororen arteko lankidetza bultzatu nahi da.

Jardunaldia alor akademikoko kideei eta enpleguaren eta gizarteratzearen arloetan inplikatutako komunitateari zuzenduta dago. Besteak beste, komunitate hau osatzen dute: enplegu- eta gizarteratze-politikak ebaluatzen dituzten pertsona eta erakundeak; enplegu- eta gizarteratze-politiken arloko erreferenteak; enplegu- eta gizarteratze-politikak martxan jartzen dituzten erakundeetako (izan publikoak ala ez) zuzendari edo langileak; gizarteratze- eta gizarteratze-politiketan inplikatutako kolektibo, mugimendu edo erakundeetan parte hartzen duten herritarrak; edo enplegu- eta gizarteratze-politiken hartzaileak.

Jardunaldiak komunitate honetako harreman pertsonalak sendotzea du helburu. Horregatik, aurkezpen eta mahai-inguruez gain, hausnarketarako eta elkarreraginerako saioak eta komunikaziorako espazioak proposatzen dira.

Ebaluazio prozesuen hausnarketan, formakuntzan, ikerketan eta martxan jartzean adituen parte-hartzea izango dute jardunaldi hauek. Hasiera moduan, politika publikoen ebaluaziorako esparru analitiko bat aurkeztuko da; sistemikoa, konplexua, poliedrikoa, diziplina anitzekoa eta metodologikoki plurala den ebaluaziorako hurbilketa analitiko baten erronka eta potentzialtasunak ikusarazteko. Bigarren une batean, gizarteratze eta enplegu politikak ebaluatzeko garrantzizko bi esperientzia berri aurkeztuko dira. Arratsaldeko saioari hasiera emateko, ebaluazioan generoak eta intersekzionalitateak duten garrantzia azpimarratzen duen truke bat ekarriko da.  Amaitzeko, gizarteratze-estrategietan inplikatutako erakundeek ekarpenak egingo dituzte.

Elkarrizketarako gune bat

Ikerketaren, formakuntzaren eta esku-hartzearen arloko aditu, aritu eta erreferenteez gain, jardunaldian talde txikietan tailerrak eta dinamikak egiteko bi une aurreikusten dira. Tailer horien helburua da inklusioan eta enpleguan ebaluazio-estrategiak diseinatzeko nodo nagusiak identifikatzea, bertaratutakoen begiraden aniztasuna oinarri hartuta. Azkenik, jardunaldi hauen helburua unibertsitatearen eta enplegu- eta gizarteratze-politiken ebaluazioa hobetzeko interesa duen komunitatea osatzen duten pertsonen eta kolektiboen artean harremanak eta sinergiak erraztea da. Horregatik, emaitzez gain, garrantzitsua da prozesua, kontaktua eta interakzioa. Atsedenaldian egongo den lunchak honetarako aukerak emango ditu.

60 lagunentzako lekua dago, eta matrikulan kafea eta luncha sartzen dira. Jardunaldietan bertaratzeko ezinbestekoa da tailerretan parte hartzea. Tailer hauek bazkaltzeko atsedenaldia baino lehen eta jardunaldia itxi baino lehen izango dira.

Datu garrantzitsuak

• Eguna: 2025eko urriaren 30ean, 09:00etatik 19:30era, Bizkaia Aretoan.
• Edukiera: 60 pertsona. Unibertsitateko langileen, teknikarien eta gizarte-erakundeen arteko oreka bilatzen saiatuko gara.
• Matrikularen prezioa: 30 euro.