Gladys del Estal ikasle ohiari buruz film bat egin dute, eta iaz egindako omenaldiaren ildotik fakultatean ikusteko aukera izango dugu (Campuseko eskaintza kulturalaren barruan):
Zer: “Ez, eskerrik asko! Gladysen leihoa” dokumentalaren emanaldia

Zuzendaria: Bertha Gaztelumendi, Gidoia: Sabino Ormazabal

Jarraian dokumentaleko egileekin solasaldia, Iñaki Alegriak gidatuta.

Noiz: Otsailak 25, asteartea, 12:00etan
Non: Donostia, UPV/EHUko Informatika Fakultatea, Ada Lovelace aretoa
Trailerra: https://youtu.be/5EMiICCPA4g
Laburpena:
80ko hamarkada hasieran mugimendu antinuklearra puri-purian zegoen nazioartean, eta baita Euskal Herrian ere. Kostaldean eraikitzear ziren hiru zentralez gain (Lemoiz, Ea-Ispaster eta Deba), Arguedasen laugarren bat egiteko asmoa zegoen. Horren aurka protestatzeko, mobilizazioak antolatu ziren Tuteran.
Gladys del Estal Ferreño Tuterara joan zen, baina ez zen itzuli. Manifestazio baketsu hartan, Guardia Zibil baten tiroak hil zuen. Film honek, Gladysen gertakariaren harira, garaiko gizartearen onespena lortu zuen mugimendu sozialaren erretratu bat egin nahi du.
Webgunea: www.ezeskerrikasko.eus

ANIMATU eta etorri ikustera!