Bideratzaileak

Aran Erasun Urtzelaieta

Kazetaritzan lizentziatua da Euskal Herriko Unibertsitatean (EHU), eta coach, , aholkulari eta talde-prozesuen bideratzailea. Mondragon Unibertsitatean pertsonen eta taldeen coach gisa trebatu da, eta gatazken eraldaketan eta lidergoan espezializatu da Process Work begiradatik, Centro de Transformación del Conflicto Humano eskolan. Halaber, Emakumeen eta Gizonen Berdintasunerako agentea da (EHU).

Emakumeen lidergoan, coaching feministan eta gorputzaren bidezko ahalduntzean prestakuntza espezifikoa du. Boterearen, autoritatearen eta pribilegioen erabilera kontzientea lantzen du, baita komunikazio integrala, segurtasun psikologikoa eta taldeetako harreman-dinamikak ere, antolakundeetako harreman arkitekturak eraldatzen.

Bere jardun profesionalaren ardatza lidergo osasungarri, inklusibo eta bizigarriak garatzea da. Emakume arduradunei beren lidergo-estiloa sendotzen, ahotsa eta autoritatea garatzen, gatazkei aurre egiten eta botere-posizioak konfiantzaz eta norberaren izaerarekin koherentzian betetzen laguntzen die. Horretarako, ikuspegi sistemikoa, feminista eta gorputzaren, emozioen eta komunikazioaren lanketa uztartzen ditu.

Izaskun Merodio

Izaskun Merodio Ekonomia eta Enpresa Zientzietan lizentziaduna da Euskal Herriko Unibertsitatean (UPV-EHU); Eskualde Ekonomiako doktoretza-ikasketak egin zituen, Nazioarteko Lankidetzako graduondoko ikasketak, bai eta giza garapenaren, U teoriaren, feminismoaren, Design Thinkingen eta Belbin rolen arloko prestakuntza osagarriak ere.

30 urteko ibilbide profesionalean, euskal agentzia publiko batzuetan eta nazioarteko lankidetzarako GKEetan lan egin du, tokiko garapen ekonomikoko proiektuak, partaidetzazko kudeaketako metodologiak eta enplegu, prestakuntza eta berrikuntza sozialeko zerbitzu publikoak diseinatuz.

Lidergoa eta botere-harremanak garatzearen aldeko apustua egiten duten erakundeak interesatzen zaizkio, pertsonen autoezagutza-maila handituz, begirada sistemikoak txertatuz eta elkarreragin pertsonalen kalitatea hobetuz.

Belbin Associatesen hezitzaile akreditatua eta IED Kunsthalen Service Design Masterreko irakaslea, 2019tik Harean koordinatzen du, profesionaltasuna nahita ber irudikatzearen aldeko apustua, pertsona bakoitzari bere talentua ahalik eta balio handienarekin konektatzen lagunduko dioten prestakuntza- eta ekintza-espazioak sortuz.

Itziar Kerexeta

EGELApi AKADEME euskarri digitala diseinatzea, garatzea eta jarraitzea, Laguntza Sarea sortzeko.

Itziar Kerexetaren argazkia

Itziar Kerexeta Brazalek Psikopedagogiako lizentzia eta Gizarte Hezkuntzako diploma lortu zituen Deustuko Unibertsitatean. Lehenago, Kudeaketaren Informatikari buruzko ikasketak egin zituen.

2004. urteaz geroztik, helduen etengabeko prestakuntzan lan egiten du, irakasleak inklusioaren eta konpetentzia sozio-emozional eta digitalen inguruan trebatzeko programak diseinatzen, kudeatzen eta ematen, beste eragile batzuekin batera. 2008an, euskarri digitaleko eta ikuspegi konektibistako prestakuntza jarduerak diseinatzen eta gauzatzen hasi zen, eta ikasgelako metodologia parte hartzailea eta bizipenetan oinarritua e-LEARNING metodologiaren mundura gerturatu zuen.

2014tik, Airea-elearning zuzentzen du, lanean dabiltzan profesionalei konpetentzia digital eta sozio-emozionalen inguruko e-learning aholku estrategikoak eta sareko prestakuntza ematen dien proiektu profesionala. Elkarlanean dihardu Espainiako Moodleren partner ofizialarekin (Bartzelonan du egoitza).

Programan dituen eginkizunak:

EGELApi AKADEME euskarri digitala diseinatzea, garatzea eta jarraitzea, Laguntza Sarea sortzeko.