Euskara, Kultura eta Nazioartekotzearen arloko Errektoreordetzaren web orrian eskatzen diren betekizun orokorrez gain Arte Ederretako Fakultatearen araudia berrikustea komeni da.

Lehen eta bigarren mailak guztiz gaindituak izan behar dira.

Gehienez bigarren mailako irakasgai bat utzi daiteke.

Norakoan egin beharreko gutxieneko kredituak:

• 5 hilabete = 30 ECTS
• 9 hilabete = 60 ECTS  ​

Hizkuntzak

Arrazoi baztertzailea izan daiteke norako fakultatearen hizkuntza-eskakizunei erantzuten ez bada. ​Hizkuntza ziurtagiriak bidaltzeko helbideak (NAN zenbakiarekin batera):

• ERASMUS+ // Berariazko LA//BN: arteederrak.ikasleak-internazionala@ehu.eus
• LA//BN Kupo Orokorra: certiidiomas.internacional@ehu.eus​

Hizkuntzaren nahitaezko baldintza ziurtagiri ofizial baten bidez egiaztatu beharko da, eta hori aurkezteko epea dokumentazioa zuzentzeko egutegiaren azken eguna izango da.  

Norako unibertsitateen web orrialdeetan eskatzen duten gutxieneko hizkuntza maila agertuko da. Bi hizkuntza agertzen diren unibertsitateetan, bakarra egiaztatu beharko da, kontrakoa adierazten den kasuetan izan ezik.

Zure ingelesa maila egiaztatu nahi baduzu eta titulurik ez baduzu, gogoratu Euskal Herriko Unibertsitateak/EHU British Council (APTIS) eta Cambridge (FCE, CAE eta IELTS) enpresen laguntzarekin antolatutako ingeleseko azterketetarako epea zabalik dagoela. Iraileko eta urriko azterketen deialdien emaitzak garaiz iristen dira zuzenketa-aldian aurkezteko.

Frantzia, Italia, nahiz Portugaleko zenbait unibertsitateetan ez dago ingelesezko irakasgaien eskaintza nahikorik, horrez, B1 edo B2 mailako hizkuntza ziurtagiria eskatu dezakete. Alemaniako zenbait unibertsitateetan B2 aleman-ziurtagiri ofiziala eskatzen ari dute.

Ziurtagiri ofizialen informazioa

• CRUE. Certificados para la acreditación de niveles de inglés
• ACLES. Tablas de certificados reconocidos

Istripu eta aberriratze asegurua mugikortasunaren denboraldi osorako

Arrazoi baztertzailea izan daiteke, asegurua ezarritako baldintzekin kontratatzen ez bada. Euskal Herriko Unibertsitateak IBILI asegurua eskaintzen du.

Matrikula

EHUko Fakultateko matrikula uztailean egingo da, auto-matrikula egiteko garaian. Egingo diren irakasgai GUZTIAK matrikulatu beharko dira, mugikortasunaren iraupena edozein dela ere.