Arboretuma

ARBORETUMA

Arboretum
Arboretumaren sarrera

Parke botanikoaren barietate honek xede hezitzailea eta ludikoa ditu, eta herritar guztientzako dago zabalik. Parkeak 19 hektarea ditu, 3 kilometroko bideen bitartez lotutakoak, eta 130 espezieetako 1.700 zuhaitz biltzen ditu.

Arboretuma 2008ko azaroaren 4an inauguratu zen, eta hegal batean kokatzen da, UPV/EHUren Bizkaiko Campusaren Leioa-Erandio gunearen hegoaldean eta hego-ekialdean. Parke botaniko honek xede hezitzaileak eta ludikoak ditu. Horrez gain, arboretumak Unibertsitatea lotzen du Leioa eta Erandio udalerri mugakideekin; izan ere, unibertsitateko kideentzat ez ezik, herritar guztientzat ere egongo da zabalik. Horregatik, hezkuntza-balioaz gainera, arboretumaren balio ludikoa eta paisaia nabarmendu nahi dira, bertatik paseatzen diren pertsona guztiei begira. Arboretumaren bisitariek Leioa eta Erandio udalerrietako muino eta baso ugariak ikusi ahal izango dituzte, baita Lertutxe urtegia ere.

Land Art Studio 2002 arkitekturako estudioak diseinatu zuen parkea, berak irabazi baitzuen 2007ko otsailean UPV/EHUk deitutako proiektuen lehiaketa.

Hasieran, oso landare interesgarriak zeuden hainbat gunetan, eta errespetatu nahi izan dira, garbiketa arinak eginez. Jatorrizko landare horiez gainera, beste landare mota batzuk landatu dira.

Hala, arboretuma hainbat gunetan dago banatuta, landatutako landare-espezie guztiak nolabait ordenatzeko:

  • Arboretum naturala Bizitzaren Basoaren muinoan kokatzen da; hots, beren gorputza zientziari ematen dioten pertsonen omenezko monumentuaren inguruan. Bertan, Euskal Herriko basoen hainbat habitat daude: pagadiak, urkidiak, artadiak, hariztiak...
  • Ekoizpenari lotutako arboretumak, Leioara daraman errepidearen ondoan kokatua, industrian edo elikagaien ekoizpenean erabilitako landare-espezieak biltzen ditu.
  • Asia eta Ekialdeko arboretumak, Medikuntza eta Odontologia Fakultateko eraikinaren beheko hegalean kokatua, Euskal Herriaren antzeko klima duten munduko hainbat lekutako espezieak biltzen ditu.

Landatutako zuhaitz mota eta kopurua:

  • 130 barietateko 1.700 zuhaitz baino gehiago,
  • 6.000 zuhaixka baino gehiago,
  • 5.000 m2-ko soropila,
  • 24.000 m2 ur gutxi behar duten espezie zopizarkarez landatuta.

Landaketa-guneak:

  • Bertako zuhaitzen arboretuma.
  • Ekialde Urruneko arboretuma.
  • Hegoaldeko hemisferioaren arboretuma.
  • Zuhaitz zurgaien eta elikagaiak eskuratzeko zuhaitzen arboretuma.
  • Arrosa-landareen bilduma.

Arboretumaren beste ezaugarri batzuk:

  • Irisgarritasuna ia baso osoan.
  • Euskal Herriko berezko zuhaitzen errepresentazioa.

Plano del Arboretum