Berriak - eCampus

Bordeleko Unibertsitatea Euskampus Fundazioan sartu da

Lehenengo argitaratze data: 2017/06/30

Pasa den asteartean, Bordeleko Unibertsitateak gauzatu zuen Euskampus Fundazioaren patronatuan sartzea. Atxikimendu dokumentua sinatzea izan zen Frantziako hirian egindako III. Bordeaux-Euskampus Sinposioaren mugarrietako bat. UPV/EHUko, Bordeleko Unibertsitateko eta Euskampus eta IdEX-Bordeaux ekimenen bazkideetatik etorritako 340 pertsonak parte hartu zuten jardunaldi horietan. Bertan hainbat proiektu aurkeztu ziren, unibertsitate biek bultzatzen duten mugaz haraindiko campusaren sendotze eta etorkizuna erakusten dutenak.