MUSIVERSIKA 2020. UPV/EHUko UNIBERTSITATE MUSIKAREN III. LEHIAKETA

Introducción

Cartel Musiversika

EHUkulturak eta Arabako Errektoreordetzak “MUSIVERSIKA” Unibertsitate Musikaren III. Lehiaketa antolatu dugu. Hainbat helburu ditugu: autore eta abeslari gazteak deskubritzea eta sustatzea, kulturaren erakargarritasuna eta estilo guztietako musikagintzaren garrantzia indartzea eta bultzatzea, eta euskal unibertsitate campusetako jakin-nahi kulturalari bide ematea, besteak beste.

Helburuak:

  • Sormena eta musika sustatzea UPV/EHUko ikasleen zeharkako prestakuntzaren funtsezko zati gisa.
  • Kulturalki aktiboagoak eta parte hartzaileagoak izango diren ikasleak sortzen laguntzea.
  • Ikasleek egindako sorkuntza lanei eta artelanei balioa ematea eta sortzen ari diren egitasmoen musika sustatzea eta zabaltzea.
  • Akademiaz kanpoko sorkuntza lana (musikala) sartzea UPV/EHUren kultur eskaintzaren barruan.

 

2020ko OINARRIAK

1.    Lehiaketak bi fase ditu.

1. FASEA

2.    Banakako musika proiektuak edo taldekakoak aurkeztu ahal izango dira, betiere gutxienez taldekideetako bat Universidad del País Vasco / Euskal Herriko Unibertsitateko komunitatearen parte bada (ikaslea, AZPkoa edo irakasle eta ikertzailea). Ziurtagiriak aurkeztu beharko dira hori egiaztatzeko.
3.    Edozein musika estilo edo joeratako musika proiektuak onartuko dira lehiaketan, inolako mugarik gabe.
4.    Musika proiektuetan, talde edo bakarlariaren lanaren bereizgarri den grabazio bat aurkeztuko da. Edozein formatu onartuko da: mp3 edo beste soinu formatu batzuk, YouTubeko kanalerako esteka, Bandcampeko esteka, Soundcloundekoa… Helbide honetara bidali behar da: musiversika@gmail.com

5.    Musika artxiboez edo estekez gain, honako informazio hau bidali beharko da aurretik aipatutako helbide elektronikora:

  •  Informazio txostena, musika proiektuaren deskribapen labur batekin; taldekideen izen-abizenak adierazi behar dira, baita gutxienez bi telefono zenbaki eta helbide elektroniko bat ere.
  •  Taldearen edo bakarlariaren argazki bat.
  •  Taldearen edo bakarlariaren historia.
  •  Rider teknikoa.
  •  Gutxienez taldekideetako bat unibertsitate komunitateko kide dela dioen egiaztagiria: unibertsitate txartelaren edo matrikularen fotokopia.

6.    Abestiak musika proiektuaren edo taldekideetakoren baten konposizioak izango dira, eta abestien eskubideak ez dira egongo ezein disko etxeren esku edo abestiak zabaltzeko, grabatzeko eta editatzeko eragozpenak edo betebehar ekonomikoak ezartzen dituen beste edozein erakunderen esku.

7.    Jaialdian parte hartzeko, gutxienez lau abesti propioz osatutako errepertorioa izan behar dute musika proiektuek.

8.    Abestiak aurrez aipatutako helbide elektronikora bidali behar dira 2020ko ekainaren30era bitartean, eta gaian musika proiektuaren izena adierazi behar da (artista edo taldea), baita mezu bakoitzaren zenbakia ere (bidali diren hurrenkeran) baldin eta bat baino gehiago bidaltzen badira.

9.    Antolakuntzak izendatutako batzorde batek 3 musika proiektu hautatuko ditu gehienez, bigarren fasera igarotzeko. Finalisten izenak uztailaren 17tik aurrera ezagutzera emango dira.

 

2. FASEA

10. Batzordeak hautatzen dituen lau musika proiektuek lehiaketa/kontzertu batean parte hartuko dute, abestiak zuzenean joz, 2020ko irailaren 16an, asteazkenean. Egoera sanitarioaren arabera, antolakuntzak erabakiko du finala zein espaziotan egingo den, eta ea publikoaren presentzia eta zein baldintzatan posible izango den, edo hobe izango den streaming bidezko emankizunaren modalitatea aukeratzea, edo lehiaketa aurrera erabateko antolakuntzak hartzen duen beste edozein irtenbide.

11.   Zuzenean joko duten taldeetako kideak inskripzioan agertzen diren berberak izango dira. Aurrez aurkeztutako taldekideren bat ordezkatu edo aldatzeko, justifikazioa aurkeztu beharko da eta antolatzaileek oniritzia eman beharko dute.

12.  Antolakuntzak izendatutako batzordeak erabakiko du zeintzuk dien lehiaketaren irabazleak. Honako sari hauek lortuko dituzte irabazleek:

12.1.     Lehen saria, 700 euro eskudirutan

12.2.     Bigarren saria, 350 euro, bigarren sailkatuarentzat.

12.3.     Ikusleen saria, 200 euro.

12.4.     Diploma finalistentzat.

13.  Gainera, zuzeneko emanaldiko publikoak bozketan parte hartu ahal izango du lau talde finalisten kontzertua amaitu ondoren. Gehiengo soilez puntu gehien lortzen duen taldeak jasoko du publikoaren saria, hau da, 200 euro eskudirutan.

14.  Kontzertua amaitzean jakinaraziko dira irabazleak, eta emaitzak hedabideetan argitaratuko dira.

15.  Parte hartzen duten musika proiektuek antolatzaileak salbuetsita uzten dituzte plagioaren ondorioz edo jabetza intelektualaren arloan indarrean dagoen legediaren beste arau-hausteren baten ondorioz sor daitezkeen erantzukizunetatik.

16.  Lehiaketaren antolatzaileek eskubidea izango dute aurkeztutako lanetako batzuk biltzeko eta sustapen material gisa zabaltzeko. Artistek baimena emango dute beren lanen zati bat eta material grafiko osagarria edozein hedabidetan informazio gai gisa zabaltzeko erabil dadin. Antolatzaileek konpromisoa hartzen dute parte hartzaileei lanak zertarako erabiliko diren jakinarazteko; lanak helburu kulturaletarako erabiliko dira beti, ez irabaziak lortzeko asmoz, eta egile eskubideak errespetatuko dira.

17.  Lehiaketaren bi faseetan parte hartzeko, oinarri hauek onartu beharko dira. Antolatzaileek eskubidea izango dute aldaketaren bat egiteko edo proposatutako egun edo lekuetako bat aldatzeko, baldin eta lehiaketa ondo egiteko beharrezkoa dela uste badute. Hori bai, behar bezala emango dute edozein aldaketaren berri.

 

Grupos finalistas 2020

Musiversikaren, Unibertsitateko Musikako II. Lehiaketaren antolakuntzak, lehiaketaren finalerako hurrengo talde hauek sailkatzea erabaki du:

  • MAIALEN ARISTEGI
  • SILITIA
  • NIZE

Aurkeztu diren talde guztiei euren parte hartzea eta izen ematea eskertzen diegu eta zorterik onena opa diegu finalistei.
2019 Musiversikaren finala Irailaren 16an, asteaskena, 20:00etatik aurrera ospatuko du Gasteizko Jymmy Jazzen.

 

2020ko Epaimahaiaren erabakia

Musiversikaren, Unibertsitateko Musikako II. Lehiaketaren antolakuntzak, aurtengo irabazleak erabaki ditu:

 

  1. Lehenengo saria: SILITIA 
  2. Bigarren saria: NIZE
  3. Publikoaren saria: utzik

Aurkeztu diren talde guztiei euren parte hartzea eta izen ematea eskertzen diegu eta mila zorion irabazleei.