Informazio bilera

2026ko irailak 22, asteartea, 8:30etan.

Ekonomia eta Enpresa Fakultateko Ekitaldi aretoan

• Aurkezpena

Eskaera 

Epea: 2026ko irailaren 22tik urriaren 13ra.

Prozedura: Eskaera GAUR bidez egingo da, ezkerretan agertzen diren jarraibideak betez.

Onartuen zerrenda bat argitaratuko da. Kanpoan gelditu direnen zerrenda ere argitaratuko da, kanporatzearen arrazoia adieraziz. Kanpoan gelditu direnek 7 egun baliodun izango dituzte falta zaien eta oker dagoen dokumentazioa aurkezteko. Epe hori pasatu ondoren, behin betiko zerrenda argitaratuko da onartu eta kanporatuekin.

• Eskaera egiteko jarraibideak

Hautaketa prozesua

Epeak:

• Fakultateko aurrehautaketa: Urria-azaroa.
• Fakultateko hautaketa: Azaroa.
• Enpresaren hautaketa: Azaroa-abendua.

Fakultatearen aurrehautaketa fasean hau baloratuko da (gehienez ere, 100 puntu):
 

• Eskaera egindako unean onartutako kredituen kopurua >=114 ECTS.
• EAZ tituluaren ikasketa espedientean eskuratutako batez besteko nota (gehinez 60 puntu).
• Curriculum Vitae eta Motibazio gutuna; agiri horretan ibilbide hori egin nahi izatearen arrazoiak adieraziko dira (gehienez 40 puntu).
 

Aurrehautaketa fasean 60 puntu gainditzen dituzten hautagaiak hautaketa prozesuaren hurrengo fasera igaroko dira.
 

Bigarren fase honetan, elkarrizketa pertsonalak egingo dira: hautagaien ezaugarri pertsonalak prestakuntza dualaren ibilbidera egokitzen diren ala ez baloratuko da (erantzukizuna, talde lana, ikasteko interesa, laguntasuna, proaktibitatea, autonomia...). Beste hautaketa proba batzuk egin ahal izango dira (aldez aurretik iragarriko dira).
 

Azken fasean, enpresak hautagaia onartuko du.
 

• Unibertsitatean elkarrizketatuak izango direnen zerrenda
• Enpresan elkarrizketatuak izango direnen zerrenda

Matrikula

Hasieran, nahitaezko irakasgaietan eta ibilbide duala egingo ez balu egingo lituzkeen hautazkoetan matrikulatzeko aldi ofizialean matrikulatuko da 3. mailako ikaslea.

Urrian, eskaera egin beharko du, arestian aipatutako prozedurari jarraituz.

Urtarrilean, ikaslea ibilbide duala egiteko aukeratua izan denean, matrikula aldatuko da Idazkaritzan.

Hautatua izan ez den ikasleak matrikula egiteko aldi ofizialen matrikulatutako irakasgaiak egingo ditu.

• Matrikula aldaketa eskatzeko eskaera orria (idazkaritzan eskuragai)

Prestakuntza kontratua

Hautatutako ikasleek, jarduera duala hasi aurretik, prestakuntza dualeko hitzarmen bat sinatu eta ikastetxean entregatu beharko dute. Hitzarmen horretan, "Prestakuntza duala: unibertsitatea-enpresa" ibilbidearen ezaugarriei buruzko informazioa jaso dutela adierazi dute, eta, aldi berean, ezarritako egutegia, lanaldia eta ordutegia betetzeko konpromisoa hartu dute, bai eta enpresaren barne-arauak betetzeko eta ikastetxera eskola-egunetan joateko konpromisoa ere.

Hitzarmenarekin batera, alternantzia erregimeneko prestakuntza-kontratu bat egingo da (1065/2025 ED).

• Hitzarmena
• Kontratua

Ebaluazio sistema

Txandakatzearen bitartez, ikasleek beren lan profesionala gara dezaketen erakundeekin harreman zuzena izatea lortu nahi da, eta etorkizun profesionalean oso erabilgarria izango zaien esperientzia eskuratzea.

Ibilbide honetan, ikasleek ezagutza akademikoak arlo profesionalean aplikatuko dituzte.

Gainera, ezagutza eta teknika berrien ikaskuntza autonomoa landuko da, benetako egoeretara aplikatzeko.

Ebaluazioa egiteko, ikasleak enpresan eginiko egonaldiaren jarraipena egin beharko dute tutore akademikoak eta enpresako begiraleak, eta ebaluazioa haiek egindako txostenetan eta ikasleak eginiko memorian oinarrituko da.

Ikasleak, gainera, memoria bat aurkeztu eta defendatu beharko du egonaldi bakoitzean.

• Ikasleen gida

I. egonaldia

Urtarrila/otsaila – ekaina: 16 ordu/astean.

1. aukera: 2 egun enpresan lanaldi osoan/3 egun unibertsitatean.
2. aukera: 4 egun enpresan lanaldi erdian/3 egun unibertsitatean.

Ekaina: I. Memoriaren entrega eta defentsa

Aukeran, alderdiek interesa badute, ordu gehiago egin daitezke uztailean eta abuztuan.

• Memoria I

II. egonaldia

Iraila – abendua: 16h/aste

1. aukera: 2 egun enpresan lanaldi osoan / 3 egun unibertsitatean

• Memoria II

III. egonaldia

Urtarrila/otsaila – apirila: lanaldi osoa (guztira 375 ordu)

• Memoria III

GRAL

300 ordu

Maiatza-ekaina/uztaila

Uko egitea 

Ikasleak Prestakuntza Dualeko Aipamena utzi eta ibilbide orokorrera itzuli ahal izango du, betiere Aipamenari lotutako kredituen erdia baino gehiago gainditu ez badu (822/2021 Errege Dekretuaren 22.5 artikulua).

Araudia

EHUduala eredua

822/2021 Errege Dekretua, irailaren 28koa, unibertsitate-irakaskuntzen antolaketa eta kalitatea bermatzeko prozedura ezartzen dituena.

1065/2025 Errege Dekretua, azaroaren 26koa, urriaren 23ko 2/2015 Legegintzako Errege Dekretuak onartutako Langileen Estatutuaren Legearen testu bateginaren 11. artikuluan aurreikusitako prestakuntza-kontratuaren araubidea garatzen duena.