Smart Grids Academy (SGA) ICTA GAIA Klusterraren, hainbat unibertsitateren, ikerketa-zentroren eta sektoreko enpresa liderren arteko lankidetzaren emaitza da. “Bizkaia with the Talent” estrategiaren baitan kokatutako ekimen aitzindari honek Estatuko energia-sektorean eta sare elektriko adimendunaren hornitzaileen esparruan ari diren profesionalak etengabeko prestakuntzan eta espezializazio teknologikoan trebatzea du helburu.
Energia Elektrikoko Sistemen Ikerketa Taldea (GISEL) duela hamarkada bat baino gehiago ari da lanean sistema elektriko eraginkorrago, garbiago eta adimentsuago baterako teknologiak garatzen. Bere jarduera hiru arlo nagusitan oinarritzen da: energia berriztagarrien integrazioa, mikrosareak eta sistema elektrikoen babesa. GISELek lankidetza estua du tokiko energia-industriako enpresekin, eta ikerketa-proiektu ugaritan parte hartzen du, maila autonomikoan, estatuan eta europarrean. Era berean, belaunaldi berrietako ikertzaileak prestatzen laguntzen du aktiboki. Gure webguneko atal ezberdinak bisitatzera gonbidatzen zaitugu, nortzuk garen, gure ikerketa-jarduera eta lantzen ari garen proiektuak gertutik ezagutzeko.