Azken urteotan, energia berriztagarrietatik eta eraginkortasun handiko prozesuetatik sortutako energia elektrikoaren garrantzia handitu egin da. Joera honek energia-sistema jasangarriago eta seguruagoak bultzatzen ditu, baina, aldi berean, erronkak sortzen ditu sare elektrikoen ohiko funtzionamenduan eta profesional espezializatuen beharra agerian uzten du.

Energia Berriztagarrien Integrazioko Masterrak Sistema Elektrikoan behar horri erantzuten dio, energia berriztagarrien sorkuntza eta sare elektrikoaren arteko elkarreragina menperatzen duten adituak prestatuz. Programak irtenbide teknikoak diseinatzeko, garatzeko eta ezartzeko gaitasuna eskaintzen du, Europar Batasunaren helburuekin bat eginez.

Gainera, sektore elektrikoan proiektuak gidatzeko prestatzeaz gain, master honek ikerketa-karrera bati ekiteko aukera ematen du, “Sistema Elektrikoetako Energia” unibertsitate arteko doktoretza-programan sartzeko aukerarekin.

Trantsizio energetikoak irtenbide berritzaileak eskatzen ditu, eta hidrogenoa, energia berriztagarriekin batera, funtsezko bektore gisa ageri da. Europar, Espainiar eta Euskadiko estrategiek haren garapena babesten dute.

Master honek hidrogenoaren balio-kate osoan adituak prestatzen ditu: elektrolisi bidezko ekoizpena, biltegiratzea, garraioa, banaketa eta erabilerak (mugikortasunean, industriaren deskarbonizazioan eta klimatizazioan). Zientzia eta ingeniaritza arloetako ikasle zein sektoreko profesionalek osagarri gisa ikasteko aukera dute, eta lidergoa hartzeko prestatzen dira.

Sare adimendunek energia berriztagarriak modu eraginkor eta seguruan integratzea ahalbidetzen dute, IKTak eta potentzia-elektronikaren bidez. Master honek sare adimendunen osagaien diseinuan, integrazioan eta kontrolan adituak prestatzen ditu, sektore elektrikoaren eta ikerketa-zentroen eskaerei erantzuteko.

Programak modelatzea eta kontrola, sare elektrikoak, energia biltegiratzea, adimen artifiziala, IKTak eta potentzia-elektronika jorratzen ditu. Unibasq-en Nazioartekotze Zigiluarekin eta ESTIArekin (Frantzia) titulu bikoitza lortzeko aukerarekin dator.

Itsasoan energia berriztagarriek potentzial handia dute, baina erronka teknologiko handi bat gainditu behar da energia mota hori erabili ahal izateko. Itsas inguruneko baldintza gogorrak direla eta, ezaguera zientifiko aurreratuak behar dira zientziaren eta teknologiaren hainbat arlotan. Energia Berriztagarriak Itsas Ingurunean (REM PLUS) Erasmus Mundus masterraren helburua da erronka teknologiko hori gainditzeko gaitasuna izango duten espezialistak trebatzea eta, espezifikoki, industriaren profesional gaituen beharrari erantzutea.

REM PLUS masterra lau unibertsitatek eskainitako Erasmus Mundus (EMJMD) masterra da; Euskal Herriko Unibertsitateak, Irlanda-Corkeko Unibertsitate Nazionalak, Norvegiako Zientzia eta Teknologia Unibertsitateak eta Nanteseko Eskola Nagusiak eskainitakoa, hain zuzen.

Masterra Europar Batasunaren Erasmus+ programaren laguntzarekin finantzatuta dago eta doktoregoko ikasketak egiteko aukera ematen du.

Master honek ingeniari industrial gisa lan egiteko gaitasuna ematen du, eta Industria Teknologian Ingeniaritza Graduko ibilbidearen jarraipen naturala da. Enpresetan, teknologia-zentroetan edo administrazio publikoan lan tekniko eta kudeaketa lanak egiteko prestakuntza aurreratua eskaintzen du.

Programak ikasgai teknologiko derrigorrezkoak jasotzen ditu, eta 10 espezialitate eskaintzen ditu ingeniaritza industrialeko eremu desberdinak sakontzeko. Gainera, Arts et Métiers Paristech (Frantzia) unibertsitatearekin titulu bikoitza lortzeko aukera eta UPV/EHUko doktoretza-programetarako sarbidea ematen du.