Zentro Kriptologiko Nazionalak, CCN-CERT (www.ccn-cert.cni.es), informazioaren segurtasunari buruzko gorabeherei erantzuten die eta oraintsu gertatu den WannaCry ransomwarearen eraso masiboaren inguruko txostena argitaratu du.

Ransomware honen aurka CCN-CERT ID-17/17 txostenean (gaztelaniaz) gomendatzen dituzten neurrien artean honakoak daude:

• Ekipoak eta sistemak eguneratu egileek argitaratutako azken segurtasun adabakiekin.
• Maiztasunez fitxategien segurtasun kopiak egin.
• CCN-CERT ‘NoMoreCry' txertoa exekutatu zuen sistemetan (bere azken bertsioan), ransomwarea exekuta dadin galarazten baitu.
• Erreskatea ez ordaindu. Ordaintzeak ez du ziurtatzen erasotazileek deszifratzeko tresna edo pasahitza bidaliko dutenik; euren lana saritzen du eta kodigo kaltegarriok bidaltzen jarraitzera bultzatzen ditu.
• Eraso honek eragin badizue eta ez baduzue segurtasun kopiarik, ekipoa desinfektatu baino lehen zifratutako fitxategiak gordetzea gomendatzen da. Baliteke etorkizunean kaltetutako fitxategiak deszifratzeko tresnaren bat agertzea.

CCN-CERTek, gainera, gogorarazten digu ransomwarearen aurreko neurriak biltzen dituzten beste txosten bi ere argitaratuta dituztela (gaztelaniaz):

• CCN-CERT IA-03/17 Medidas Seguridad ransomware
• CCN-CERT BP-04/16 Buenas Prácticas frente al ransomware