Sareko zuzendariaren aurkezpena

        Lerro hauek idazten ditut Graduondoko Sare Latinoamerikarreko zuzendari gisa aurkezteko. Zuzenbideko Masterreko ikasleek dagoeneko ezagutzen naute, Gizarte Demokratikoa, Estatua eta Zuzenbidea Masterreko irakaslea naizelako 2008tik. Nazioarteko Zuzenbide Pribatuko irakaslea era banaiz EHUko Zuzenbide Fakultatean duela hogeita hamar urte baino gehiagotik, eta zuzenbidean doktorea unibertsitate honetan.

      1997an, Francisco Javier Caballero Harriet irakaslearen ekimenez, Euskal Herriko Unibertsitateak graduondoko lehen programa eman zuen Latinoamerikan, Latinoamerikako unibertsitateetan kalitatezko garapen akademikoa bultzatzeko helburu nagusiarekin. Harrezkero, kalitatezko prestakuntzarekin konprometitutako eta ahalmen akademiko handia duten unibertsitateetara jotzen dugu, baina beren tokiko baliabideetan oinarrituta garatzea ezinezko zaien inguruneetan kokatuta.

      Urte hauetan, Euskal Herriko Unibertsitateak bost master ofizialetan irakatsi du Latinoamerikako hainbat unibertsitatetan. Nabarmentzekoa da laster Sareak master ofizial berri bat izango duela: "Kultura-paisaiak: babesa, kudeaketa eta plangintza".

      Master ofizial horiek guztiek doktoregorako sarbidea ematen dute “Globalizazioa aztergai: erronkak eta diziplina arteko erantzunak” programan matrikulatu ondoren. Ez da ahaztu behar doktorego-ikasketak Doktore tituluak ematen duen doktorego-tesiaren irakurketarekin amaitzen direla, unibertsitateko gradu akademiko gorena.

      Amaitzeko, Sareko zuzendari naizen aldetik, jakinarazi nahi dut, iraganeko, egungo eta etorkizuneko ikasle guztien eskura jarri naizela, eta Graduondoko Sare Latinoamerikarreko proiektu pozgarri honekin jarraitu nahi dudala, nire aurrekoek, Caballero doktoreak, Camino doktoreak eta Goizueta doktoreak, zuzen, arduraz eta zerbitzu-ereduz zuzendu zuten entitatea.

Adeitasunez,

Juan M. Velázquez Gardeta

Graduondoko Sare Latinoamerikarreko zuzendaria