Ingeniari Industriala, ingeniaritza mekanikoko espezialitatea (MSC) Nafarroako Unibertsitatean, Tecnun eta Doktorea Euskal Herriko Unibertsitatean (2014, UPV/EHU). Ingeniaritza Mekanikoaren Saileko irakasle agregatua, Ingeniaritza Mekanikoaren arloan. Gaur egun, UPV/EHUko Gasteizko Ingeniaritza Eskolan egiten du lan.

Industria pribatuetan 10 urtez jardun ondoren, material konposatuei buruzko doktore-tesia egin zuen UPV/EHUn, "Laminatu gurutzatu biegonkorren portaera mekanikoaren azterketa" izenekoa, Faustino Mujika katedradunak zuzendua eta Ingeniaritza Mekanikoko Federazio Iberoamerikarrak saritua (FEIBIM, 2015).

Bere ikerketa portaera mekanikoaren modelizazioan eta karbono- eta beira-zuntz luzeko konpositeen saiakuntzan oinarritzen da, Materialen Mekanika (MECMAT) ikerketa-taldearen barruan. Ikerketa-egonaldiak egin ditu Bristol (UK), Nevada (USA) eta Université de Pau et Des Pays de L 'Adou unibertsitateetan (UPPA, Frantzia). Gaztelania, ingelesa eta euskara (C1 maila) eta frantsesa (B maila) menderatzen ditu.

Gaur egun, zuntz sintetikoekin zein naturalekin egiten du lan, eta Lihoaren eta Kalamuaren Europako Aliantzaren Kontseilu Zientifikoko kide da. Stanfordeko Unibertsitateko Stephen Tsai irakasleak zuzendutako nazioarteko lantaldearen barruan, [± Φ / ± Ψ] biangeluen diseinu bikoitzaren teoria aplikatzen ari da. Geruza finen teknologian ere interesatuta dago. Euskoiker Fundazioaren bidez, ezagutza transferitzeko jardueretan laguntzen du.

Gradu-mailan, mekanika aplikatura, makinen diseinua eta Materialen Elastikotasun eta Erresistentziako irakasgaietan irakatsi ditu, bai Gipuzkoako Ingeniaritzako Eskolan, bai UPV/EHUko Gasteizko Ingeniaritza Eskolan. Master mailan, Industriari Aplikatutako Adimen Artifizialeko eta Ordenagailuz Lagundutako Ingeniaritzako Masterrean eta UPV/EHUko berezko tituluetan irakasten du.

• Helbide elektronikoa: asun.cantera@ehu.eus
• Ikerketa-profilak: ORCID