SEKUENTZIAZIO ETA GENOTIPO AZTERKETEN UNITATEA GENOMIKA ZERBITZUA

Genomaren ikerkuntzak garrantzi handia hartu du tresna molekular gisa, hainbat jakintza arlotako ikerketetan, esate baterako: Biologian, Ingurumen zientzietan, Elikagaien zientzietan, Biomedikuntzan eta Bioteknologian. DNAren ikerketak eremu askotan aplikatu daitezke; horien artean, honako hauek nabarmentzen digutu:

Giza Osasuna eta farmakogenetika

• Ligamendu- eta asoziazio-ikerketak, gaixotasunak hartzeko edo botikei gaizki erantzuteko arriskuak eragiten dituzten gene-aldaerak hautemateko.
• Onkologia Molekularra: mutazioak hautematea, onkogeneetan eta tumoreak kentzen dituzten geneetan.
• Giza gaixotasunen ezaugarriak, diagnostikoa eta pronostikoa.
• Norbanakoari egokitutako tratamendu terapeutikoak agintzea...

Lege-medikuntza

• Gizabanakoak identifikatzea.
• Aitatasun probak egitea.

Albaitaritza eta elikagaiak

• Aitatasun probak egitea eta animalia espezie askoren geneak identifikatzea, seme-alabatasuna kontrolatzeko eta pedigriak egiaztatzeko.
• Animalien eta haien jatorriko produktuen trazabilitatea.
• Geneen identifikazioa. Ekonomikoki garrantzitsuak diren ezaugarriak, bai ekoizpenari eta bai gaixotasunei aurre egiteari edo gaixotasunak hartzeari dagokienez (QTL, gene hautagaiak).
• Patogenoak hautematea.
• Elikagaiak geneen bidez egiaztatzea.

Biologia molekularra

• Ikerketa filogenetikoak eta organismoen bilakaera.
• Klonazioa, plasmidoak eraikitzea,...
• Hibridazio-zundak diseinatzea.
• Mutazioak hautematea.
• Zelula-zikloaren eta beste mekanismo biologiko batzuen gene-erregulazioari buruzko ikerketak.
• Epigenetika

Ingurumena

• Animalien eta landareen espezieak identifikatzea.
• Ikerketa filogenetikoak eta organismoen bilakaera. 
• Animalien baliabide genetikoak zaintzea: filogeniari eta animalia populazio zehatzetako aniztasunari buruzko azterketak, DNAko poliformismoak aplikatuz (ardi-, zaldi- eta behi-azienda, Apis mellifera, Lepus europeus, Cervus elaphus,...).
• Nekazaritza: genetikoki aldatutako organismoak identifikatzea, herbiziden eta pestiziden erresistentzia-ikerketak,...
• Mikrobiologia: bakterio-espezieak identifikatzea.
• Mikroorganismoak analizatzea ur-laginetan.
• Birologia.