Maiatzaren 8an, Vitoria-Gasteizko Ingeniaritza Eskolako Ingeniaritza Mekanikoko graduko ikasleek Aratz enpresaren instalazioak bisitatzeko aukera izan zuten. Bisita hau Eskolak antolatzen dituen prestakuntza-jardueren barruan kokatzen da, prestakuntza teorikoa industria-arloko orientazio profesionaleko esperientziekin osatzeko.

Aratz, mekanizazio, erremintagintza eta makineria arloetako erreferentziazko enpresa da, eta teknologia estandar altuak eskatzen dituzten industrietarako piezak egiten espezializatuta dago, hala nola hidroelektrikoa eta aeronautikoa. Bisitan zehar, ikasleek lehen eskutik ezagutu ahal izan zituzten industria horietarako osagai kritikoak fabrikatzeko erabiltzen diren prozesu eta teknologia aurreratuak.

Vitoria-Gasteizko Ingeniaritza Eskolatik, gure esker ona adierazi nahi diegu Aratz enpresari bere harrera eta prestutasunagatik, eta PDI-PTGAS-i bisita antolatzeagatik, gure ikasleen ikaskuntza aberasten baitu.