Gasteizko Ingeniaritza Eskolak SMC ESPAÑA SAU enpresarekin (International Training saila) duen harreman estuaren ondorioz, SMC INTERNATIONAL TRAINING Enpresa Gela abiatu da, SMC Gela izenekoa, UPV/EHUren eta SMC International Training sailak sinatutako zientzia, teknologia eta hezkuntza arloetako hitzarmen baten bidez –2003ko azaroaren 28an sinatu eta 2022ko irailaren 9an berritu zuten–.

• Gelan honako teknologia hauek erabiltzen dira:
• Pneumatikoa, hidraulikoa, hutsekoa, sentsoreak
• Kontrolagailu programagarriak, prozesu jarraituak, mugimenduaren kontrola
• Robotika, ikusmen artifiziala, komunikazio industrialak, SCADA
• ERP eta Manufacturing Execution Systems (MES)
• Industria 4.0

Gelak honako jardun eremu hauek ditu:

• Ekipamendua gai honekin lotuta ikastegian ematen diren titulazioetako praktiketarako erabiltzea, baita GRAL, MAL, ikerketa proiektuak eta ikastegiko jarduerekin lotutako edozein jarduera egiteko ere.
• Irakasleentzako prestakuntza moduluak egitea, ahalik eta ondoen erabil ditzaten.
• UPV/EHUrekin lankidetzan aritzea hezkuntzako garapen teknologikoetan.

Harremanetarako

Teodoro Rico <teodoro.rico@ehu.eus>