Eguna: 2024/03/20
Ordua: 12:00
Lekua: ZTF-FCTko Paraninfoan

Laburpena

Kantuak eta musika-tresnek lilura berezia piztu dute gizakiarengan antzinatik. Soinuak igortzeko zuen gaitasuna magikotzat jotzen zen, eta, era berean, espekulazio fisikoa eta matematikoa bultzatu zuen, eta horren froga da K.a. VI mendearen ostean Pitagorasen Eskolak sakonki eztabaidatu izanak, Hitzaldi honetan, kantuaren eta musika-tresnen familien funtzionamendu akustikoari buruzko ildo orokor batzuk deskribatuko dira: soka, haizea eta perkusioa. Espektroak edo espektrogramak abiapuntu hartuta, maiztasun-analisi baten bidez erraz azter daitezkeen adibide batzuk xehetasun handiagoz azalduko dira. Domeinu libreko audio-softwarearen utilitateak erabiliko dira, interesa duen ikusleak erraz erreproduzitu ahal izan dezan konferentzian azaldutakoa.

Hizlariaren datuak

José Mª Bretos Linazak Fisika ikasi zuen EHUko Zientzia eta Teknologia Fakultatean, eta bertan egin zuen, halaber, Musika Akustikaren arloko Doktorego Tesia, zurez eraikitako instrumentuen alderdi akustikoei buruzkoa, hala nola biolinak edo xilofonoak. Euskal Herriko Goi Mailako Musika Ikastegiko [Musikene] fundatzailea da. Bertan, Musika Akustikako eta Organologiako irakaslea da, Musikako goi-mailako arte-irakaskuntzen gradu eta masterrean. Musikenen zuzendariorde izan zen ikastetxearen funtzionamenduko lehen urteetan, eta aldi horretan modu aktiboan lan egin zuen irakaskuntza horien antolamendu akademikoan. Ondoren, musikako goi-mailako irakasleen lan-profila zehazten ere lagundu du, eta hori hitzarmen batean islatu da, irakaskuntzan eta arte-jardueran aldi berean aritzea bateratzen duena. Azken urteotan, musika-tresnen historiari eta horiek ondare artistikoarekin duten harremanari buruzko dibulgazio-lana egiten du hainbat ildotan.

Jose Maria Bretos doktoreak, Euskal Herriko Goi Mailako Musika Ikastegikoa [Musikene],