B-EHRG taldea (aurretik EANPsi izenagatik ezaguna) 15 urte baino gehiagoko ikerketa-ibilbidea duen UPV/EHUko ikerketa talde multidisziplinar bat gara. B-EHRG ikerketa taldearen helburu nagusia da ingurumeneko esposizioak ikuspegi integralean aztertzea, bai lagin biologikoetan esposizio horien deskribapen eta analisia eginez, bai populazio orokorrean zein talde espezifikoetan duten eragina ebaluatuz. Horrez gain, esposizio horien eta osasunaren arteko loturak ikertzen ditu, eta aldi berean herritarren eta osasun zein ingurumen arloko profesionalen ezagutza eta pertzepzioa aztertzen ditu, esposizioek osasunean izan ditzaketen ondorioei dagokienez. Azkenik, ingurumen-inpaktua duten instalazioek osasunean eragindako ondorioak ere aztertzen ditu. Gainera, B-EHRG taldeko kideok Biogipuzkoatik Jesus Ibarluzea eta Aitana Lertxundi buru dituen Osasun Publikoa eta Ingurumen-epidemiologia ikerketa-taldeko kide gara, baita CIBERESPeko 28. taldeko kide ere.