Euskal Herriko Unibertsitateko Plentziako Itsas Estazioko (PiE-EHU) ikertzaile talde batek bultzatutako “Atención! ¡No me aplastes!/Kontuz! Ez nazazu zapaldu! KENZ ekimenak Ohorezko Aipamena lortu du 2025eko Herritarren Zientziarako Europako Batasunaren Sarietan. Sari hauek Europan aurrerapen zientifikoa eta gizarte-onura bilatzen duten, herritarrak aktiboki inplikatzen dituzten eta, beraz, gizarte zibil ireki eta inklusiboa sustatzen duten ekimenak aintzatesten dituzte. Lehiaketaren helburua da proiektu aitzindariak ezagutaraztea eta laguntzea, eta Herritarren Zientzia, oro har, jendeari hurbiltzea.

Ars Electronica-k antolatzen du Sariak emateko ekitaldia, Europako Batzordearen izenean, IMPETUS proiektuaren baitan eta gizarte plural, inklusibo eta jasangarri baten aldeko eragin sozial eta politikoa duten proiektu bikainak saritzen eta sustatzen ditu.

Nazioarteko epaimahai batek hautatu du KENZ proiektua, herritarren zientziaren arloan egindako ekarpen esanguratsuagatik. Aipamen honekin “Kontuz! Ez nazazu zapaldu!” ekimena Europako herritarren zientziako praktika onen adibide gisa kokatzen da.

Zientzia eta Teknologiarako Espainiako Fundazioaren lankidetzarekin – Zientzia, Berrikuntza eta Unibertsitate Ministerioa (FECyT), KENZ proiektuak 2022az geroztik 3.000 parte-hartzaile baino gehiago izan ditu, tartean gazteak, adinekoak, emakume migratzaileak, gazteentzako justiziako prozesuetan dauden gazteak eta desgaitasunak dituzten pertsonak. Hauek zientzia-prozesuaren fase guztietan aktiboki parte hartzen dute, beren ingurumenaren kontzientziazioaren eta babes beharraren eragile aktibo bihurtuz.

KENZ proiektuak, STEAM metodologia eta itsasoko ikerketarako tresna irisgarriak erabiliz, itsas hondartzetako bizitza mikroskopikoa ikusarazi du lehen aldiz gizarte osoarentzako eskuragarri den ingurune natural batean. Organismo mikroskopikoen 3D modeloak, piktogramak eta irakurketa errazeko materialak erabiltzen ditu, herritar-zientzialarien lankidetzan benetako inklusioa bermatzeko. Horrela, gizartean tradizionalki ikusezinak diren pertsonak ingurumen kontzientziazioan parte-hartze aktiboa izateko aukera izaten ari dira, kalitatezko datuak sortuz eta hizkuntza zientifikoa eta ingurumen kontzientzia sustatuz. Ekimen honek, bereziki Euskal Herriko hondartzetan dagoen mikrobiodibertsitatearen eta kutsaduraren ikusgarritasuna handitzen du.

Proiektua Ars Electronica 2025 jaialdiaren katalogoan sartuko da. Jaialdia irailaren 3tik 7ra bitartean egingo da Linzen (Austria).

KENZ proiektuaren azken ekitaldia Ozeanoen Mundu Eguna ospatzeko egiten da eta G9-SCIENCE4ALL proiektuaren barruko aurre-ekitaldi bat da. Europar Batasunak finantzatzen du proiektu hori, Horizon Europa programaren barruan: Ikerketaren eta Berrikuntzaren Esparru Programa, 101162477 zenbakiko diru-laguntzaren bidez. Horri esker, Ikertzaileen Europar Gaua nahiz aurre-ekitaldiak eta dibulgazio-jarduerak egin ahal izango dira unibertsitate aurreko ikasleentzat. G-9 taldeko unibertsitateetan egiten den ikerketarekin bat egingo dute, Europako Batzordearen finantzaketari esker; zehazki, Marie Skłodowska-Curie (MSCA) Ekintzen bidez (Europan karrera zientifikoak sustatzeko programa), Horizon Europe Europar Batasuneko Ikerketa eta Berrikuntzako Esparru Programaren barruan. G-9 taldeko unibertsitateetan egiten den ikerketarekin bat egingo dute, Europako Batzordearen finantzaketari esker; zehazki, Marie Skłodowska-Curie (MSCA) Ekintzen bidez (Europan karrera zientifikoak sustatzeko programa), Horizon Europe Europar Batasuneko Ikerketa eta Berrikuntzako Esparru Programaren barruan. 

Proiektuaren informazio gehiago hemen: https://www.ehu.eus/PIE/ez-nazazu-zapaldu/language/eu/home/
 

Instagram:@atencionnomeaplastes
Twitter:@EzNazazuZapaldu
Hemen sariari buruzko informazioa: https://ars.electronica.art/citizenscience/en/