Doktorego programaz kanpoko irakasleak zuzendarikide izatea

Doktorego programaz kanpoko irakasleek zuzendarikide izatea eskatu ahal izango dute, doktorego programako batzorde akademikoari helaraziko dioten idatziaren bidez.

Irakasleak seiurteko bat badu, nahikoa izango da doktorego programako batzorde akademikoak onespena ematea. Onespen hori ematen duen batzordearen erabakia helaraziko zaio programari esleituta dagoen Doktorego Eskolako idazkari administratiboari, informazioa eguneratu dezan GAUR aplikazioan

Irakasleak ez badu seiurtekorik, bost ekarpen garrantzitsu aurkeztu beharko ditu eskaerarekin batera, horretarako dauden ereduak erabiliz. Ekarpen bakoitzerako aurkeztu beharko dira kasuan kasuko kalitate adierazleak, bat etorrita Ikerketa Jarduera Ebaluatzeko Espainiako Batzordearen erabakiaren bidez jakintza arlo bakoitzerako onartuta dauden irizpide espezifikoekin (balorazioa egiten denean indarrean egongo direnak).

Bost ekarpen garrantzi horiek aurkeztu dituen irakaslea behin onartuta zuzendarikide izateko, batzorde akademikoak eskaera egin beharko dio Doktorego Eskolari, doktorego programako idazkariaren bidez, dokumentu hauek erantsita:

• Zuzendarikide izateko eskaera onartzen duen batzorde akademikoaren erabakia.
• Bost ekarpen garrantzitsuak, Graduondoko Batzordeak onar ditzan.
• Programaz kanpoko irakasleak zuzendarikide izateko eskaera, aldez aurretik aurkeztua batzorde akademikoari.

Graduondoko Batzordearen ebaluazio positiboa 2020ko martxoaren 5a baino beranduago lortu duten irakasleek ez dute eskatu beharko berriro ebaluatuak izatea jakintza arlo bereko beste tesi batzuen zuzendarikide izateko; hortaz, ez dituzte aurkeztu beharko bost ekarpen garrantzitsuak.