Doktorego tesiak kanpoko erakundeekin lankidetzan

UPV/EHUko Doktorego Ikasketen Gestiorako Arautegian, X. kapituluan, jasota dago tesia kanpoko erakundeekin lankidetzan egiteko aukera.

“Tesia kanpoko erakundeekin lankidetzan” egiteko sinatu beharreko hitzarmena osatzeko, UPV/EHUk eredu bat dauka *(3. eredua). Eredu horren helburua da arautzea zein baldintzatan zuzenduko duen kanpoko erakundeko doktoreak UPV/EHUko doktorego programa batean dagoen doktoregaiaren doktorego tesia. Doktorego tesiko proiektua erakundearen instalazioetan edo UPV/EHUren instalazioetan egin ahal izango da.

Ereduan jasota daude:

a) Esparru hitzarmena, UPV/EHUren eta kanpoko erakundearen artekoa; berariaz jasota agertzen da zein doktorego programatarako den hitzarmena.

b) Eranskina; hitzarmenaren eraginpean dauden doktoregai bakoitzeko bat.

Hitzarmena erakundeak eta doktorego eskolak sinatu behar dute. Eranskina sinatu behar dute erakundeak, doktorego programaren koordinatzaileak eta doktoregaiak.

Doktorego programak tesia kanpoko erakundeekin edo enpresa batekin lankidetzan egiteko hitzarmena egin nahi badu, indarreko prozedurari jarraitu beharko dio. Prozedura ikerketa jarduerekin hasi baino gutxien dela 15 egun lehenago hasi beharko da.

Hitzarmena egiteko prozedura ereduari jarraituz (3. eredua):

1. Erakundeko tesi zuzendaria ez bada doktorego programakoa, lehenengo eta behin doktorego programatik kanpoko irakaslea zuzendarikide izateko eskaria egin beharko da.
2. Zuzendarikidetzarako eskaria (1) doktorego programako Batzorde Akademikoak eta (2) UPV/EHUko Graduondoko Batzordeak onartu ondoren, doktoregaiak, UPV/EHUko zuzendariarekin batera, doktorego programako Batzorde Akademikoari adierazi behar dio tesia kanpoko erakundeekin lankidetzan egiteko hitzarmena egin nahi duela ereduari jarraituz (3. eredua). Horretarako, eskari datuen orria (docx, 52 Kb) behar bezala betea aurkeztu beharko diote Batzorde Akademikoari.
3. Doktorego Eskolak hitzarmena sinatzeko, beharrezkoa da Batzorde Akademikoak ontzat ematea lankidetza. Batzordeko koordinatzaileak DOKe-ri helaraziko dio erabakia, eta datuen orria (docx, 52 Kb) behar bezala bete ondoren mezuz bidaliko du doke.hitzarmenak@ehu.eus helbidera (mezuaren kopian programako administratzailea jarri behar da). Programako administratzaileak egiaztatuko du hitzarmenarekin lotutako zuzendarikidetzarako eskaria onartuta dagoela.  Egiaztatu ondoren, mezuari erantzungo dio adierazita zein den zuzendarikidetzarako egoera (doke.hitzarmenak@ehu.eus helbidera bidaliko du mezua kopian jarrita Batzorde Akademikoa).
4. DOKe-k hitzarmena izapidetuko du hitzarmen ereduari jarraituz eta kontuan hartuta datuen orriaren bidez emandako informazioa. Bost ale sortuko ditu: hitzarmenaren bi ale, bata enpresarako eta bestea, DOKe-rako; eranskinaren hiru ale, bata doktoregaiarentzat, beste bat Batzorde Akademikorako eta beste bat erakunderako.
5. DOKe-k hitzarmena sinatu eta doktoregaiari emango dio hitzarmenean eta eranskinean jaso beharreko beste sinadurak lor ditzan.
6. Era berean, DOKe-k justifikazio-memoria bidaliko dio posta elektronikoz doktorego-programaren arduradunari, eta hark sinatuta itzuli beharko du.
7. Sinadura guztiak eskuratu ondoren, doktoregaiak programako administratzaileari emango dio: (I) hitzarmen sinatuaren jatorrizko ale bat doktorego eskolarako; (II) eranskinaren ale sinatu bat.
8. Programaren administratzaileak gordeko du Batzorde Akademikoaren alea koordinatzaileak hala iritziz gero, eta hitzarmenaren eta eranskinaren kopia bat bidaliko dio UPV/EHUko zuzendariari.

* Sinatuko den hitzarmena ez badator bat ereduarekin, Graduko eta Graduondoko Ikasketen arloko Errektoreordetzarekin jarri harremanetan.

** Jabetza intelektualari edo industrialari edo konfidentzialtasunari edo lagapen ereduari buruzko zalantzarik izanez gero, jarri harremanetan IETBrekin.