ARLOA:  Gizarte eta Zuzenbide Zientziak
BALIO AKADEMIKOA: 20 ordu
MODALITATEA: Presentziala eta Online
HIZKUNTZA: Gaztelania
DATAK: 2025eko irailaren 17 eta 18
LEKUA: UPV/EHUko Ekonomia eta Enpresa Fakultatea-Vitoria
PREZIOA: 35 €
ZUZENDARITZA AKADEMIKOA: Jorge Tejedor eta Eva Emmanuel
INSKRIPZIOAK: https://www.uik.eus/eu/jarduera/empresa-40-digitalizacion-tecnologias-informacion-como-fuente-competitividad-empresarial-3

DESKRIBAPENA:

Azken urteotan, eraldaketa digitalaren ondoriozko iraultza bizi dugu, eta aldaketa sakonak bizi ditugu produktibitatean, kontsumoan, enplegagarritasunean, ongizatean eta beste hainbat alorretan. Aldaketa horiek eragina dute gizartean, oro har, eta ekonomian eta erakundeen kudeaketan, bereziki.

Tresna digitalek, eta bereziki adimen artifizialak, errotik aldatu dute enpresen funtzionatzeko modua, ingurune aldakor bati egokitzeko aukera eskainiz eta merkatuan lehiakorrago izatea ahalbidetuz. Tresna horiek frogatu dute marketinaren arlo ezberdinetako prozesuak eta funtzioak optimizatzeko gaitasuna dutela.

Ingurune gero eta digitalizatuago eta lehiakorrago honetan, merkatua ulertzea eta bezeroak erakartzeko estrategia eraginkorrak garatzea funtsezko erronka bihurtu da, bai B2B bai B2C esparruetan. Udako ikastaro honek foro gisa jardun nahi du, jarduera komertzialen eta marketinaren eraldaketa digitala ardatz hartuta. Marketing Digitala 4.0 izango du ardatz, hau da, merkatuaren ulermenerako eta negozioaren erakarpenerako tresna digitalen erabilera, bai B2B bai B2C eremuan.

Udako ikastaro honek ikuspegi eguneratua eta praktikoa eskaintzen du Marketing Digitala 4.0.ri buruz, teknologia berrien, adimen artifizialaren, portaera-zientziaren eta sare sozialen estrategien erabileran arreta jarriz. Horiek guztiak funtsezko tresnak dira bezeroak erakartzeko, bihurtzeko eta fidelizatzeko etengabe eboluzionatzen ari den ekosistema digitalean.

Bost bloke tematikoen bidez, programak hitzaldi espezializatuak, kasu praktikoak eta saio interaktiboak uztartzen ditu, aditu eta profesional aktiboek emanda, parte-hartzaileei ikuspegi estrategikoa, taktikoa eta operatiboa eskaintzeko helburuarekin, marketin digitalak negozio-aukerak sortzeko eskaintzen dituen aukerak aprobetxatzeari buruz.

Ikastaroa marketineko profesionalentzat, negozio-garapenaren arduradunentzat, salmenta-taldeentzat, aholkulari digitalentzat eta zuzendarientzat dago zuzendua, beren ezagutzak eguneratu eta ingurune digital berrian lehiatzeko funtsezko gaitasunak garatu nahi dituztenentzat.

Prestakuntza hau bat dator Gasteizko Ekonomia eta Enpresa Fakultatean emandako DIGITAL MANAGEMENT & ERP: LA GESTIÓN DE LA EMPRESA 4.0 masterrarekin, eta fakultate horren ardatz estrategikoarekin: gaitasun digitalen garapenean eta 4.0 enpresaren kudeaketan modu lehiakorrean kokatzea, lurraldearen eraldaketa digitalerako eragile bilakatuz.

HELBURUAK:

• Merkataritza eta marketin arloetan enpresen lehiakortasuna hobetzeko aukera ematen duten tresna digitalen erabileraren ondoriozko enpresa eraldaketa digitala ulertzen laguntzea.
• Merkatuaren ulermenari eta merkataritza lanen eta negozioa erakartzeko lanen kudeaketa egokiari lotutako joera teknologiko berritzaile nagusiak azaltzea.
• Marketin digitaleko tresnen balioa nabarmentzea, enpresen kudeaketa komertziala bultzatzeko bektore gisa.
• Erakundeetako merkataritza, marketin eta komunikazio lanaren eraldaketa digitaletik eratorritako etorkizuneko erronkak eta aukerak aztertzea.
• Adimen artifiziala (AA) eraldaketa digitalaren eta aldaketa-kudeaketaren elementu gisa ulertzen laguntzea, enpresen lehiakortasuna hobetzeko.

EGUNA 1: 25/09/17

UPV/EHU EKONOMIA ETA ENPRESA FAKULTATEA (ARABA ATALA)

09:00-09:20    Dokumentazioaren banatzea.

 09:20-09:35  Inaugurazio instituzionala (Arabako Foru Aldundia eta Gasteizko Udalaren ordezkaria).

09:35-09:45 Ikastaroaren aurkezpena (Digital Management & ERP Masterreko Zuzendaritza).

09:45-10:30 Hasierako hitzaldia.

 “Estrategia digitala B2B inguruneetan: negozioaren erakarpena eta garapena”.

10:30-10:45 Atsedena.

10:45-12:15 Erakarpen Digitala 4.0: B2B eta B2C estrategiak.

“Ecommerce eta prozesuen digitalizazioa B2C inguruneetan: merkatu digitalean lehiatzeko gakoak”.

“Social Selling eta LinkedIn bidezko B2B prospekzio digitala”.

12:15-12:45 Atsedena

12:45-13:30 Datuetan oinarritutako marketina: merkatuaren analisia eta monitorizazioa.

“Customer Lifetime Value-ren balioa erabaki digitaletan”.

13:30-14:00 Mahai ingurua eta galdera-erantzun saioa.

EGUNA 2: 25/09/18

UPV/EHU EKONOMIA ETA ENPRESA FAKULTATEA (ARABA ATALA)

09:00-09:15 Jardueraren zuzendaritzaren aurkezpena

09:15-11:15 Behavioral Science eta UX Research: Bezero digitala ulertzea.

“Behavioral and Psychologist Science ecommerce eta marketin digitalean aplikatuta”.

“UX joerak bezeroaren esperientzia optimizatzeko: edukien kudeaketa AA-rekin”.

11:15-11:45 Atsedena

11:45-12:30 Sare sozialen berrikuntzak eta joera berriak.

“Estrategia berritzaileak sare sozialetan: nola egokitu formatu eta plataforma berrietara”.

12:30-13:15 AA eta Marketin Digitala: automatizaziotik sormen areagotura.

“AA Marketinaren laguntzaile gisa”.

13:15-13:45 Mahai ingurua eta galdera-erantzun saioa.

13:45-14:00  Udako ikastaroaren Itxiera instituzionala.

AURREKO EDIZIOAK

2024: https://www.uik.eus/eu/node/8234/pdf

2023: https://www.uik.eus/eu/node/7923/pdf

2022: https://www.uik.eus/eu/node/7256/pdf

2021: https://www.uik.eus/eu/node/6389/pdf?_ga=2.35977696.1790247837.1716369632-77741959.1709124052