Gipuzkoako Foru Aldundia: lan-eskaintza publikoa
Lehenengo argitaratze data: 2019/10/07
2019ko irailaren 9ko Gipuzkoako Aldizkari Ofizialean, ondorengo hautapen prozesuen deialdiak ikusgai dituzu:
https://egoitza.gipuzkoa.eus/gao-bog/euskera/gao/2019/09/09/be190909.htm
Horietan guztietan:
- Aurreikusten da oposizio fase bat (azterketak) eta lehiaketa fase bat (merezimenduen balorazioa) egitea.
- Ikasi beharreko gaien zerrenda eta azterketa motak deialdi bakoitzaren oinarrietan daude jasota.
- Lehenengo azterketa ez da izango 2020ko urtarrilaren 10a baino lehenago. Honen data zehatza jakingo da eskaerak aurkezteko epea amaitu eta izangai onartuen behin-behineko zerrenda argitaratzean.
- Prozesu bakoitzetik zenbait lan poltsa egingo dira, azterketa guztiak ez gainditu arren. Lan poltsa horiek Gipuzkoako Foru Aldundiaren langile beharrak estaltzeko erabiliko dira gero; bai eta, kasua bada, beste administrazioetako beharrak estaltzeko ere, hala nola, Gipuzkoako udaletakoak.
- Eskaerak aurkezteko epea: 2019ko irailaren 10etik urriaren 18ra arte (barne).
- Eskaera bitarteko elektronikoak erabiliz aurkeztu behar da, eta 20 €-ko tasa ordaindu behar da.
Informazio gehiago nahi izanez gero, harremanetan jar zaitezkete ATARIrekin, hautapen prozesuei buruzko informazio eta arreta bulegoarekin.
ATARI - Hautapen Prozesuei buruzko Informazio eta Arreta Bulegoa
Posta elektronikoa: ataria@gipuzkoa.eus
Telefonoa: 943 11 33 44
Ordutegia:
- Astelehenetik ostegunera: 08:30-13:30 eta 15:00-17:00
- Ostiraletan: 08:00-14:30