Ekitaldi honen helburua da EHUko ikaslegoaren eta egresatuen enplegagarritasuna hobetzea eta, halaber, gazte hauen eta profil jakinen bila diharduten enpresen arteko harremanak ahalbidetzea.

Foroaren testuinguru bera izango da hautagaiaren eta enpresaren arteko lehenengo kontaktua. Ekitaldia amaituta, enpresa partehartzaileek elkarrizketatu dituzten pertsonen CV-a izango dute, eta etorkizuneko aukeratze-prozesuetan kontuan hartu ahal izango dituzte, egoki iruditzen bazaie bederen.