Itzulpen eta Interpretazio Zerbitzua

Itzulpen eta Interpretazio Zerbitzuak bi eginkizun nagusi ditu:

• Agiri administratiboen itzulpena egitea . Kategoria honen barruan sartzen dira: erabakiak, hitzarmenak, aktak, prentsa-oharrak, webgunerako testuak eta antzekoak. Ez ditugu itzultzen edo zuzentzen ez testu akademikorik ezta ikerketaren arlokorik ere.
• Izaera administratiboa duten unibertsitateko batzar eta bileretan interpretazio-zerbitzua ematea, hala nola Gobernu Kontseiluetan, Gizarte Kontseiluetan, ikastegietako batzarretan edota sindikatuen eta administrazioaren arteko bileretan. Halaber interpretazio-zerbitzua antolatzen dugu doktorego-tesien defentsetan eta irakasle-plazen probetan .

Aurrekoetan ez ezik, Zerbitzuak unibertsitate-kudeaketara bideratutako programa informatikoen lokalizazioa prestatzen ere laguntzen du.