Deskribapena

Gabonak direla eta, Gizarte eta Komunikazio Zientzien Fakultateak Gabonetako Postal Lehiaketa antolatu du ikasleentzat. Proposamen irabazlea Fakultateak ikastegiko kideei bidaliko dion gabonetako zorion ofiziala izango da.

Testuingurua

Fakultateak urtero Gabonetako postal bat bidaltzen dizkie ikastegiko kideei. Aurten ere komunitate akademikoaren – irakasleak, administrazio eta zerbitzuetako langileak eta ikasleak – harremanak elikatzeko gogo bera dago, parte-hartze komunitarioa ere sustatuz. Deialdi honek, gainera, ikasleen talentu sortzailea eta komunikatiboa sustatu nahi du, berrikuntza, gizarte-erantzunkizuna eta sormen balioak islatzen dituen postal original bat sortuz.

Lehiaketaren helburuak

• Ikasleari parte hartzera deitzea, Fakultatearen espiritua islatuko duen Gabonetako postal original bat diseinatzeko.
• Sormena, ikusizkoen adierazpena eta pentsamendu komunikatzailea sustatzea ikasleen artean.
• Fakultatearen postal instituzionalaren irudi gisa balioko duen proposamen bat hautatzea.

Nork har dezake parte?

• Gizarte eta Komunikazio Zientzien Fakultateko edozein gradu eta masterretan matrikulatutako ikasleek parte hartu ahal izango dute.
• Parte-hartzea banakakoa edo taldekoa izan daiteke (gehienez 3 pertsona).

• Pertsona edo talde bakoitzak gehienez obra bat aurkeztu ahal izango du

Postalak honako hauek transmititu beharko ditu:

• Gabonetako festa-espiritua eta urte berriaren etorrera, kontuan hartuta bokazio inklusibo eta unibertsala duen zentro publiko eta laikoa garela
• Fakultatea sormenerako, ezagutzarako eta komunikaziorako gune gisa identifikatzea
• Testua izanez gero (zorionak ematea edo idatzizko edozein mezu), elebiduna eta inklusiboa izan behar da.  Mezu/testuaren adibidea: "Zorionak eta urte berri on opa dizugu/Te deseamos un feliz año nuevo"
• Honako hitz hauek izan behar ditu:
  • 2026
  • Zorionak
  • Gizarte eta Komunikazio Zientzien Fakultatea/Facultad de Ciencias Sociales y de la Comunicación

Saria

Ikasle edo talde irabazleak 150 euroko bonua jasoko du EHUdendan erabiltzeko.

Formatua eta baldintzak

• Postalak ilustrazioa, argazkia, collage-a edo diseinu grafikoa izan ditzake, eta formatu digitalean (jpeg, edo png) aurkeztu ahal izango da, 1920x1080px tamainan
• Lanak originalak eta argitaragabeak izango dira.
• Adimen artifiziala erabiliz gero, fitxategi gehigarri bat bidali behar da, diseinuari gehitu zaizkion piezak sortzeko zer tresna, zer prompt zehatz eta zer sekuentziatan erabili diren zehazteko.
• Fakultateak postal irabazlea erabili ahal izango du bere edozein online eta offline kanaletan: webgunea, sare sozialak, barne-pantailak, postal inprimatuak edo digitalak, etab.

• Kartel irabazlea teknikoki gauzatzeko aldaketarik egin behar bada kartela hobeto inprimatzeko (koloreak...), eta ortografia-akatsak zuzendu behar badira, epaimahaiak aldaketa hori ezarri ahal izango du, aldez aurretik egileari jakinarazita.

• Fakultatea ez da erreklamazioen arduradun izango obrek, hirugarrenei dagokienez, izan ditzaketen erreklamazioei dagokionez. Horregatik, aurkeztutako lan guztiek behar bezala kudeatuta eduki behar dituzte baliabideak erabiltzeko eskubideak (argazkia, ilustrazioa, tipografia, etab.)

Epeak eta lana aurkezteko modua

• Proposamenak posta elektronikoz bidali behar dira gkz.komunikazioa@ehu.eus helbidera, gaian "Gabonak/Navidad" adieraziz.
• Irabazlearen iragarpena: abenduak 12an, Fakultateko web orrialdean
• Saria ematea: Gabonetako oporraldiaren aurreko astean (ikasle sarituarekin adosteke)