Euskadiko Kazetarien Elkargoak eta Elkarteak Ohorezko Saria, ex aequo, gure Fakultateko katedradun diren Ramón Zallo Elgezabal eta Pedro Ibarra Güell irakasleei ematea erabaki dute.

Sari honek kazetaritzaren eta pentsamendu kritikoaren arloan ibilbide profesional bikaina, ekarpen intelektuala eta balio pertsonalak aitortzen ditu, eta bi erreferente akademiko eta sozial hauek omenduko ditu aurten.

• Ramón Zallo Elgezabal (Gernika, 1948) Zuzenbidean eta Ekonomian lizentziatua, Informazio Zientzietan doktorea eta Komunikazio Ikus-entzunezkoaren katedraduna da UPV/EHUn. Bere ibilbide profesionalean kooperatibismoa, nazionalismoak eta euskal kultura aztergai izan ditu, eta kazetari eta komunikatzaile belaunaldi askoren erreferente eta irakasle izan da.
• Pedro Ibarra Güell (Getxo, 1942) Zuzenbidean lizentziatua eta Zientzia Politikoaren katedradun erretiratua da UPV/EHUn. Abokatu lanbidean ibilbide luzea egin du, eta bereziki nabarmendu zen preso politikoen defentsan frankismo garaian eta trantsizioaren lehen urteetan. Gaur egun, Betiko Fundazioaren zuzendaria da, gizarte mugimenduen, ekintza kolektiboaren eta parte-hartze politiko eta demokratikoaren inguruko ezagutza sustatzeko eta zabaltzeko lan egiten duen erakundea.

Euskadiko Kazetaritza Sariak 2025 banatzeko ekitaldia azaroaren 5ean egingo da.

Gizarte eta Komunikazio Zientzien Fakultatetik Ramón Zallo eta Pedro Ibarra lankideei gure zorionik beroenak helarazten dizkiegu. Zorionak!