Bederatzigarren aldiz UPV/EHUko Udako Ikastaroen eskaintzan, Territorios y Fronteras-ek "WE MEAN. Nosotras y el cine documental Contemporáneo" ikastaroa eskainiko du. Aurten ere, hasieratik proposatu zituen galderen erantzunen bila goaz: Zer da zinemagintza garaikidea? Nor da zinegilea gaur egun? Norentzat egiten dira filmak? Nola egin dezakegu pertsonala den pelikula bat? Zelan ekoiztu eta zabaldu? Eta guk, emakumeok... zer dugu honen inguruan esateko?

TYF-eko helburu nagusia betikoa da, lurralde dokumental garaikide honen kartografia mutante eta iragankorra osatzea eta zehaztu gabeko mugak dituen zinema mapan kokatzea.Territorios y Fronteras egungo filmak ikusteko eta haiei buruzko eztabaida eta hausnarketa sortzeko gunea da. Aurten ere, zinegile, publiko eta beste hainbat kultura-eragileen arteko hartu-emana, eztabaida eta harremana sustatzea dugu helburu, beti ere esperientziak eta ezagutzak trukatzearen aldeko giroan.

EKAINAK 6/7/8 JUNIO

Bilbao Arte
Urazurrutia, 32. 48003 - Bilbao