1. LEHENENGO MAILATIK GORAKO MAILETAKO MATRIKULA (AUTOMATRIKULA)

Matrikula On-Line egingo da 2025eko uztailaren 18tik 24ra (biak barne), unibertsitatearen web orrian aurretik emandako hitzorduetan (egun eta ordu jakinetan) – www.ehu.es

2. 2024/25ean MATRIKULATUTA EGON EZ DIREN IKASLEEN MATRIKULA (IKASKETAK BERRIRO HARTU)

Fakultateko Idazkaritzan egin beharko dute matrikula 2025eko irailaren 1etik 5era bitartean (biak barne).

3. LEKU ALDAKETAK

Beste titulazio edo unibertsitate batzuetatik datozen ikasleek espedientea lekuz aldatzeko eskaria eginda eduki beharko dute 2025eko ekainaren 12tik uztailaren 1era, (biak barne), fakultateko Idazkaritzan idatzia aurkezturik. Eskaria onartzen bazaie, matrikula egin ahal izango dute 2025eko irailaren 1etik 5era.

4. TALDE ALDAKETAK

Maila/titulazio beraren barruan taldez aldatzeko eskariak 2025eko irailaren 1etik 5era aurkez daitezke fakultateko Idazkaritzan. Eskarien ebazpena fakultateko iragarki oholetan argitaratuko da 2025eko irailaren 9an.

5. MATRIKULA ALDAKETAK

Ikasturte osorako (1. eta 2. Lauhilekoa) matrikularen aldaketa eskaera 2025eko irailaren 1etik 5era egin daiteke. Irakaskuntza taldea ixten duten hautazko irakasgaien matrikula ez da inola ere ez aldatuko.

6. BIGARREN MATRIKULALDIA

Bigarren matrikulaldi bat dago bigarren lauhilekokoak diren adarraren oinarrizko, nahitaezko eta hautazkoetarako. Hautazko irakasgaietan plazarik geratzen bada baino ez dira onartuko eskariak. Irakasgai hauetako matrikula Fakultateko Idazkaritzan egin behar da 2026ko urtarrilaren 26tik 30era (biak barne). EPE HONETAN EZ DA INOLAKO ALDAKETARIK ONARTUKO, SOILIK IKASGAIAK GEHITZEA.

7. GRALaren MATRIKULA ETA ESLEIPENA

2025/26 ikasturterako GRALaren matrikula, automatrikula garaian egin daiteke baldin eta gradua amaitzeko falta zaizkizun irakasgai guztiak matrikulatzen badituzu. Ez da derrigorrezkoa automatrikulan GRALa matrikulatzea. Aurrerago, hobekien dagokizunean egin dezakezu (batez ere kredituak baliozkotu nahi badituzu). Era honetan, GRALa matrikulatzeko epea irekia egongo da ikasturte osoan zehar, 2026ko otsailaren 13ra arte (martxoko defentsarako), 2026ko maiatzaren 8ra arte (ekaineko defentsarako) edo 2026ko ekainaren 26ra arte (iraileko defentsarako)..

GRALa soilik geratzen zaion eta 25/26 ikasturtean defendatu nahi duen ikasleak, Automatrikula epean matrikulatu beharko du (GRALa) derrigorrez.

GRALaren gaiaren eta zuzendariaren esleipen eskaera egiteko lehengo txanda 2025eko urriaren 6tik 17ra egingo da. Lana esleitu ez zaien ikasleek edo esleitutako lanari uko egin dioten ikasleek esleipen eskaera egiteko bigarren txanda izango dute, 2025eko azaroaren 10etik 14ra.

8. HAUTAZKO KREDITUEN BALIOKIDETZA

Ikasleek ikasturtean zehar praktiken, kirol aktibitatearen eta abarren bitartez hautazko kredituen baliokidetza eska dezakete.

9. BALIOZKOTZEAK

Irakasgaiak baliozkotzeko eskariak fakultateko Idazkaritzan aurkeztu beharko dira ikasturtea ofizialki hasten denetik hilabeteko epean.

a) Egindako ikasketak fakultate honetakoak badira, nahikoa izango da eskaera egitea.

b) Egindako ikasketak EHUko beste ikastegi batekoak badira, eskaerarekin batera irakasgaien programa zigilatuak eta ikasketa planaren kopia aurkeztu beharko dira.

c) Egindako ikasketak beste unibertsitate batekoak badira, eskaerarekin batera irakasgaien programa zigilatuak, ikasketa planaren kopia eta kalifikazioen ziurtagiri akademikoa aurkeztu beharko dira.

10. DEIALDIA AURRERATZEA

Titulazioa lortzeko gehienez 30 kreditu geratzen zaizkien graduko ikasleek urtarrilerako deialdia aurreratzea eskatu ahal izango dute bigarren lauhilerako  eta lehenengo matrikula ez diren irakasgaietarako.

Eskaerak egiteko epea 2025eko azaroaren 10etik 21era bitartekoa izango da. 2025eko abenduaren 12an dekanotzak azterketa horien data ofizialak argitaratuko ditu, eta azterketak 2026ko urtarrilaren 26tik 30era egingo dira.

11. EBALUAZIO BEREZIA

Ebaluazio berezirako eskaerak fakultateko idazkaritzan aurkeztu behar dira irailan eta martxoan. Irailan, azken eguna 2025eko irailaren 5a izango da eta martxoan, azken eguna 2026ko martxoaren 5a.

Epaimahai Bereziak 2025eko irailaren 30 baino lehen edo 2026ko martxoaren 30 baino lehen ebatziko ditu eskaerak.

Graduko Titulazio Ofizialetako Ikasleen Ebaluaziorako Arautegiko 29 eta 30 artikuluetan ezartzen diren baldintzez gain, Fakultateko Epaimahai Bereziak 2018ko apirilaren 25ean onartutako baldintzak bete behar dira:

1) Zentroko baldintzak, graduko araudiaren gehigarriak dira, edonola ere.

2) Eskaera egiten duen ikaslearen espedientearen nota orokorra gutxienez 6,5ekoa izan behar du.

3) Ikasleak ezin izango du bi irakasgai oinarrizkoren edo bi irakasgai nahitaezkoen ebaluazio berezia eskatu, ez eta, oinarrizko eta nahitaezko bi irakasgaien ebaluazio berezia ere ez.

4) Ikasleak gutxienez ebaluaketa berezia eskatzen duen irakasgaiaren lau deialdietara aurkeztu behar izan da eta haietako batean gutxienez 4ko nota lortu.