Pozik jakinarazten dugu EHUko `Materialak + Teknologiak´ Taldea (GMT) izango dela Donostian ospatuko den GCNPM 2026 – Green Chemistry and Nanotechnologies in Polymeric Materials kongresuaren antolatzailea, 2026ko ekainaren 15etik 17ra bitartean.

Informazio nagusia

• Kongresuko datak: 2026ko ekainaren 15–17.
• Laburpenak bidaltzeo epea: 2025eko abenduak 1-2026ko martxoak 15.
• Erregistroa: 2026ko apirilaren 1etik aurrera.
• Lekua: Gipuzkoako Ingeniaritza Eskola - EHU, Donostia–San Sebastian.
• Gaiak: kimika berdea, polimerozko materialak, nanomaterialak, prozesatze iraunkorra eta aplikazioak.

Informazio gehiago: KONGRESUKO WEB-ORRIA

Materialak + Teknologiak (GMT) ikerketa-taldeak material iraunkorragoa garatu du oihal bakeroa higatzeko, eta beste substratu mota batzuetan erabiltzeko duen ahalmena aztertzen ari da. Muskuilu-maskorrak birrintzean lortzen den hareak ehungintzak erabiltzen dituen beste material batzuek baino propietate urratzaile hobeak dituela ikusi da. Gainera, zirkularragoa ere bada, hondakin bat lehengai bihurtzen baita.

Albiste osoa

Harro gaude Cristina Peñari Jasangarritasun Sailak emandako sariagatik, ekonomia zirkularra, berrikuntza akademikoa eta gizarte-ekintza bultzatzen duten emakumeen lidergoari balioa ematen dion errekonozimendua, etorkizun bidezkoagoa eta iraunkorragoa eraikitzeko, esparru akademikoan eta unibertsitatean. Errekonozimendu horrek ezagutza sortzea, transferentzia eta ingurunearekiko konpromisoa lotzearen garrantzia indartzen du.

Albiste osoa

Gure Taldeko ikertzaileek, María Gabriela Rodríguez eta María del Mar Cammarata, MADPOL 2025 – Madrid Symposium on Polymers nazioarteko kongresuan parte hartu zuten, Alcalá de Henarresen, azaroaren 12tik 14ra. "Influence of a Reactive Diluent on the Properties of UV-Curable Waterborne Polyurethane Acrylate Coatings" eta "Synthesis of High-Molecular-Weight Non-Isocyanate Polyurethanes Enabling Electrospinning" lanak aurkeztu zituzten, poster formatuan eta ahozko aurkezpenean, hurrenez hurren.

"gaurko hondakinak etorkizuneko material berriak izango dira", "sistema linealak zirkularizatu egingo dira", "balio erantsiarekin birziklatuko dugu", "berrerabilera sustatuko dugu", "gizartea kontzientziatuko dugu" eta "iraunkorragoak izango gara"

Hori guztia gerta dadin, hondakinen sare publiko bat sortu behar da, eskuragarri dagoena eta irtenbide garatuak dituena. Horixe egin du Naturklimak, Gipuzkoako Foru Aldundiko Jasangarritasun Departamentuak bultzatutako klima aldaketaren fundazioak.

Materialen liburutegia, Materiategi LabNK, joan den maiatzaren 29an inauguratu zen. Naturklimaren eraikinean dago, eta azpiegitura aitzindaria da lurralde eta estatu mailan. Ekonomia zirkularraren adierazgarri diren materialen laginak ditu, enpresek, ikerketa-zentroek eta beste erakunde batzuek Gipuzkoan ekoitziak. Bere helburuen artean dago made Gipuzkoa eta Euskadiko ekonomia zirkularraren material adierazgarriak katalogatzea eta ekonomia zirkularrari buruzko erronka berriak dinamizatzea.
Gainera, Materiategi LabNKrako urruneko sarbidea gaitu da. Web orriak fitxa digital bat du liburutegian gordetako material bakoitzerako.

GMTtik parte hartu dugu eta Naturklimarekin elkarlanean jarraitzen dugu hondakin polimerikoetarako soluzioak emateko, hala nola poliamida-arrantzarako sareak, dentsitate handiko polietilenozko itsasoan bildutako hondakinak, poliolefina-habe birziklatuen prozesatzearen hondakinak, Jolasekin lankidetzan; poliuretano-krotalak eta ardi latxaren artilea. Orain arte aurkeztu ditugun proposamenetako batzuk: filamentua, bai poliamidazkoak, bai HDPEkoak ehungintzarako, bai poliuretano+ardi latxaren artilezko filamentu konposatua 3D inprimaketarako; poliuretanozko mintzak TiO2 nanopartikulekin; poliol berriztagarrietan oinarritutako poliuretano termoegonkorra, Tecnaliarekin lankidetzan garatua.

Harro gaude gure GMT taldeko liderra, Prof. A. Eceiza, CSICen rankingeko 500 ikertzaile nabarmenenen artean aitortua izan delako. Zorionak merezitako aitortza honengatik!

Albiste osoa.

Joan den ostiralean, 2024ko azaroaren 29an, Stefano Torresi gure taldekideak MANUEL LABORDE WERLINDEN Saria jaso zuen, Doktorego Tesian burutako ikerketan oinarritutako Nanoclik lanarengatik. Zorionak Stefano!

Info +

Gipuzkoako Ingeniaritza Eskolako Ekonomia Zirkularreko Unibertsitatea-Enpresa- Gizartea-Ikasgelarekin lankidetzan, Non hasten da itsasoa? txokoan izango gara azaroak 7tik 9 arte.

Mikroplastiko primarioak eta plastikoak itsas baldintzetan jasaten duen degradaziotik eratorriak edo mikroplastiko sekundarioen jatorria azaldu dira. Ildo horretan, GMTk LTC AquEus Mugaz Gaindiko Lankidetza Laborategiarekin lan egiten du kutsatzaile horien eraginaren analisian aurrera egiteko. Itsasoko, hiriko eta industriako hondakinak mekanikoki eta kimikoki birziklatzearekin lotutako GMTko lanak ere aurkezten dira.
Ekoizpen-prozesu iraunkorrak garatzeko, hainbat alderdi hartu behar dira kontuan, hala nola hondakinen hierarkia eta ekonomia zirkularrak sustatutako baliabideen erabilera eraginkorra. Horregatik, GMTk bi hamarkada baino gehiago daramatza jatorri berriztagarriko hondakinetatik eratorritako konposatuak balorizatzeko lanean. Zura prozesatzetik eratorritakoak dira, hala nola taninoa eta lignina. Biek aplikazio ugari dituzte, fenol-erretxinen sintesian txertatzetik hasi eta kosmetikoen formulazioraino. Ardi latxaren artilearen propietate fisiko-kimiko eta mekanikoek ere urte asko daramatzagu lanean, eta, horregatik, artilezko konposite prozesatuak aurkeztu ditugu standean, hala nola 3D inprimaketa biodegradagarriak diren filamentuak eta artilea indartzeko surf-taulen sekzioak.

Eskerrak eman nahi dizkiegu Tytti Thursberg, Mater Museoa, Yurre Peñagarikano (URKOME), LTC AquEUS (Euskampus Fundazioa) eta GMTtik ikerketa horietan lagundu duten pertsona guztiei.

>> Zientzia astea.