Gure taldeko bi ikertzailek, Laura Vignauk eta Garazi Berrak, JIP 2023, Polimeroen Ikertzaile Gazteen XI. Kongresuan parte hartu dute, RSEQ Y RSEFeko polimeroen talde espezializatuek antolatua, Alacanten (Espainia), urriaren 2tik 5era. "Active electrospun poly (3-hydroxybutyrate-co-3- hydroxyvalerate) membranes incorporating antioxidant oil from spent coffee grounds" eta "Dynamic redox responsive starch hydrogels" lanak aurkeztu zituzten, hurrenez hurren.

Taldeko ikerlariek Europar Batasunak finantzatutako STEAM-Active proiektuan parte hartzen dute (2021-1-ES01-KA220-HED-000032107).

STEAM-Active proiektuaren helburua unibertsitateko ingeniaritza-tituluetarako diziplina anitzeko irakaskuntza eta ikaskuntza sekuentziak sortzea da. Sekuentzia hauek ekonomia zirkularra eta genero ikuspegia izango dituzte zeharkako ardatz gisa. Horrez gain, e-learning ikastaroak sortuko dira diseinatutako materialak ezartzeko interesa duten irakasleen prestakuntzarako.

Gure Taldeko hiru ikertzailek, Galder Kortaberriak, Agnieszka Tercjak-ek eta Junkal Gutierrezek, POLY-K 2023, “Advances in polymer composites and nanocomposites”, kongresuan parte hartu dute. Kongresua 13tik 15era Ternin (Italia) izan zen eta bertan Prof. José Kenny ikerketa-ibilbidea omendu zuten.

Agnieszka Tercjak gure taldeko ikerlariak Self-healable epoxidised soybean oil based thermosetting systems modified with photo-switchable nematic liquid crystal izenburua duen lana aurkeztu zuen “Nanostructured Polymers: from precision synthesis to physical properties”, NANOPOL 2023 kongresuan, irailaren 4tik 8ra Orléans-en (Frantzia).

Ana Cristina Restrepo gure doktorego ikasleak Society for Chemical Engineering and Biotechnology (DECHEMA) elkarteak antolatutako 14th International Workshop on Polymer Reaction Engineering kongresuan parte hartu du, irailaren 5tik 8ra Potsdamen (Alemania). Anak "Synthesis of reprocessable biobased thermoset polyurethanes based on Diels-Alder adduct" eta "Functionalized electrospun polyurethane membranes as Ag nanoparticles adsorbents" lanak aurkeztu ditu bertan.

2023eko uztailaren 21ean Eider Mendiburu Valor GMT doktoregaiak bere tesiaren defentsa egin zuen. Tesiaren izenburua izan zen “Itsasoko PET hondakinen balorizazioa: metodo konbentzionaletatik birziklatze kimikoara poliuretano berrien sintesirako”, Cristina Peña Dokt. eta Arantxa Eceiza Dokt. zuzendua.

Basque Environment and Ocean Week 2023 (BEOW hitzaldiak) saioetan, joan den ekainaren 6an Kutsadura Kimikoa izeneko saioan, gure lankide Cristina Peñak GMTren hondakin plastikoekin eta horien tratamendurako eta inpaktuetarako aukerekin erlazionatuak zenbait ikerketa aurkeztu zituen. Saio honetan, Joana Larretak (AZTI) eta UPV/EHUko Amaia Orbeak eta Manu Sotok ere parte hartu zuten. Saioa Eider Bilbaok (UPV/EHU) moderatu zuen. BEOWren antolatzaileak Itsasmuseumek, Eusko Jaurlaritzak eta Ministerio de Cultura y Deporte izan ziren.

Saio osoa

Ana Cristina Restrepo gure doktorego ikasleak Oviedo Universitateak antolatutako "XV Congreso Nacional de Materiales Compuestos MATCOMP 2023" kongresuan parte hartu du, ekainaren 13tik ekainaren 15era Gijonen. Anak "Bio-based Recyclable crosslinked polyurethanes based  on a thermally reversible Diels-Alder Adduct" lana aurkeztu ditu.

Garazi Berra González gure doktorego ikasleak Elsevier-ek antolatutako "Frontiers in polymer science" kongresuan parte hartu du, maiatzaren 29tik ekainaren 1era Goteborgen (Suedia). Garazik "Development of Diels-Alder cross-linked starch-based bioadhesives for cellulosic materials" eta "Silver and Gold decorated electrospun polyurethane membranes" posterrak aurkeztu ditu.

Materials Horizons Outstanding Paper Award 22 saria jaso duen «Semi-paracrystallinity in semi-conductor Polymers» artikuluan gure taldeko bi ikertzaileek, A. Tercjak eta J. Gutierrez, parte hartu dute.

Cristina Peña irakasleak ‘Ekonomia Zirkularra eta Materialak 'mintegia eman zuen Tecnun Ingeniaritza Eskolan (Universidad de Navarra). Ekonomia Zirkularraren kontzeptualizazioa eta polimeroen sintesiarekin lotutako baliabideen kontsumoekin duen lotura azaldu zuen.

Arlo honetan GMTaren aurrerapenak aurkeztu zituen: polimeroen birziklapena eta nekazaritza- eta abeltzaintza-hondakinen erabilera material berriak ekoizteko. Amaitzeko, Gipuzkoako Ingeniaritza Eskolako Ekonomia Zirkularreko Enpresa Gelak (Gipuzkoako Foru Aldundiko Ingurumen Saila) garatzen dituen jarduerak aurkeztu zituen. (2023/04/28)

Otsailaren 10ean, Ekonomia Zirkularreko Ekonomia Zirkularraren II. Jardunaldia ospatu zen Gipuzkoako Ingeniaritza Eskolak, Unibertsitatea-Ekonomia Zirkularreko Enpresa Gelak antolatuta. Jardunaldian Eskolako 10 ikertzaile eta kolaboratzaile baino gehiagok parte hartu zuten, eta ingeniaritzaren hainbat arlotan egindako aurrerapenak eta Ekonomia Zirkularrarekin duten harremana aurkeztu zituzten. GMTk ere parte hartu zuen hainbat ikertzaileekin: Amaia Mendoza ikertzaile doktoratu berria, Eider Mendiburu eta Asier Elejoste predoktoratu aurreko ikertzaileek ere parte hartu zuten.

Bideoak ikusi.

Joan den martxoaren 1ean, Joseba Gómez Hermoso de Mendoza GMT doktoregaiak “Development of nanostructured materials based on cellulose  acetate modified with inorganic nanoparticles” izeneko doktore-tesia aurkeztu zuen, Agnieszka Tercjak Dokt. eta Junkal Gutierrez Dokt. zuzendua.

Abenduaren 19ean, Raquel Olmos GMT doktoregaiak “Biomaterial inks and bioinks for extrusion 3D printing and their biomedical applications in precision medicine" izeneko doktore-tesia aurkeztu zuen Arantxa Eceiza Dokt. eta Nagore Gabilondo Dokt. zuzendua.

Joan den abenduaren 15ean, Miriam Gallur ITENE eta GMT doktoregaiak “Development of biodegradable nanostructured polymer materials by using block copolymer for packaging applications” izeneko doktore-tesia aurkeztu zuen, Susana Aucejok Dokt. (DS Smith) eta Agnieszka Tercjak Dokt. (GMT) zuzendua.

Ekimen Berritzaile Berriaren saria eskuratu duen 'Ingeniaritzako eta ekoberrikuntza industriako zerbitzuak' ekimena ingeniaritza eta ekoberrikuntza industrial baten zerbitzuetan oinarritzen da. Amaia Mendozak eta Arantxa Agirrezabalagak aurkeztutako ekimen hori bi ekintzaile horien eta Euskal Herriko Unibertsitateko Gipuzkoako Ingeniaritza Eskolako GMT ikertaldearen arteko lankidetzatik sortu da. Epaimahaiak haren know-howa eta mikroplastikoen arloko espezializazioa goraipatu ditu.

Manuel Laborde Werlinden sarien jatorrian Entreprenari Programa dago, zeina Euskal Herriko Unibertsitateko Gipuzkoako Campusak eta BIC Gipuzkoa Enpresen eta Berrikuntzako Europako Zentroak garatzen eta kudeatzen baitute. Haren helburua ekintzailetza ideiak eta proiektuak sustatzea da unibertsitatearen inguruan. Edizio honetan aurkeztutako lanak Euskal Herriko Unibertsitateko irakasle-ikertzaileek, tituludunek, graduondokodunek eta azken mailako ikasleek aurkeztu dituzte, baita enpresa berri bat sortuta UPV/EHUren lankidetzarekin egindako ikerketa baten emaitzak erabili nahi dituzten enpresek ere. Informazio gehiago.

Joan den azaroaren 17an, Amaia Mendoza ikerlariak “Mikroplastikoak Bizkaiko Golkoko hego-ekialdeko itsasertzean ezaugarriak, fokuak eta kontrol- eta prebentzio-estrategiak” izeneko doktore-tesia aurkeztu, Oihane Cabezasek Dokt. (Azti) eta Cristina Peñak Dokt. (GMT, UPV/EHU) zuzendua.

Tesi hau GMT eta AZTI-ren lankidetzarekin garatu da, beste kolaboratzaile batzuez gain, hala nola Gipuzkoako Foru Aldundia, Donostiako Aquarium-a, PIVICSA eta URA. Tesia aurrerapen bat izan da mikroplastikoen identifikazioan, metodologian eta analisian, baita mikroplastikoen prebentzioan ere, batez ere industria sektorean

2022ko azaroaren 10etik 12ra Tabakaleran (Donostia) UPV/EHUk Zientziaren Astea dela-eta antolatu dituen standak eta jarduerak bisitatu daitezke. GMT ikerketa-taldeak Plastikoak eta Ekonomia Zirkularra izeneko stand batean parte hartzen du, eta, bertan, taldeko hainbat kidek birziklatzearen arloan egindako ikerketen emaitzetako batzuk aurkezten ditu. Stand hau Gipuzkoako Ingeniaritza Eskolako Unibertsitate-Ekonomia Zirkularreko Enpresa Gelaren eta Gipuzkoako Foru Aldundiaren laguntzarekin antolatu da. Aurkezten diren emaitzetako batzuk itsas hondakinak (arrantza-sareak, PET botilak, HDPE poteak), industria-hondakinak (surf-taulak fabrikatzeko industriatik eratorritako poliuretano-hautsa) eta lehen sektoreko hondakinak (ardi latxaren artilea, krotalak) eraldatzeko eta kimikoki birziklatzeko prozesuak garatzera bideratuta daude.

Joan den urriaren 7an, Oihane Etxeberria Tecnalia eta GMT doktoregaiak “Egiturazko osagaietarako PUR iraunkorren formulazio berriak” izeneko doktore-tesia aurkeztu zuen, Isabel Harismendyk Dokt. (Tecnalia) eta Arantxa Eceizak Dokt. zuzendua.

Joan den urriaren 6an, elikaduraren sektoreko ekonomia zirkularrari buruz Gasteizko Udalak antolatutako jardunaldian parte hartu zuen GMTk. Cristina Peñak II. Blokean (I+G+b) parte hartu zuen. Bere hitzaldian, nekazaritza-sektorean plastikoen erabilerari buruzko azterketa aurkeztu zuen, baita lotutako inpaktu potentzialak ere.

Informazio gehiago.