Aurrez aurreko matrikula graduko lehenengo mailarako

Lehenengo mailako ikasleek Graduko Ikasketen Gestiorako 2022/2023 ikasturteko Arautegiko 26. artikuluan zehaztutako epeen barruan egingo dute matrikula, ikasle bakoitzak dagokionean.

Matrikula egiteko txanda ikaslearen onarpen notaren arabera esleituko da. Matrikula aurrez aurre egin ahal izango duzu esleituko zaizun egunean eta orduan, onarpenean adierazitako ikastegian. Ez baduzu egiten matrikula esandako egunean eta orduan, plazari uko egiten diozula ulertuko dugu. Baina ez zara geratuko inolaz ere itxaron zerrendatik kanpo.

Matrikula egiteko epe bakoitza amaituta, plaza hutsak berreskuratzen dira, itxaron zerrendan dauden ikasleei esleitzen zaizkie eta onartuen zerrenda berri bat argitaratzen da. Horrela plaza guztiak esleitu arte. Aukera hobe batean onartua bazara, berriro esleituko zaizu eguna eta ordua matrikula egiteko, jakinaraziko zaizun ikastegian.

• Matrikula baldintzatua: ikasleak matrikula baldintzatua egin ahal izango du BALDIN ETA UPV/EHU ez den estatuko beste unibertsitate publiko batean onartua izateko eskaera eginda badu eta oraindik erantzunik jaso ez badu. Horretarako nahitaez aurkeztu beharko du beste unibertsitate publiko batean onartua izateko eskaera egin duela egiaztatzen duen agiria.

• Behin betiko matrikula: gainerako kasuetan.

Hauek dira matrikula egiterakoan aurkeztu beharreko dokumentuak:

• Argazkia, beharrezkoa ikasle txartela egiteko.
• NAN / Nortasuna egiaztatzeko agiria
• Unibertsitatean sartzeko aukera eman dizuten probaren edo ikasketen fotokopia konpultsatua, CSVrekin egindako kopia, edo ziurtagiri akademiko pertsonalaren fotokopia eta originala. UPV/EHUko ikasleek ez dute agiririk aurkeztu behar
• Prezioak ordaintzetik salbuetsita egoteko edo prezioak murrizteko kasuetan (prezioei buruzko agindua), hori egiaztatzen duen agiria:
  • Ohorezko matrikula batxilergoan
  • Familia ugaria
  • Ikaslearen desgaitasuna (>=% 33) edo zuzeneko senide batena (>=% 65)
  • Terrorismoaren biktimak eta senideak
  • Genero indarkeriaren biktimak eta 25 urte baino gutxiagoko semealabak
  • Nazioarteko babesaren eskatzaileak eta onuradunak eta aberrigabeak, errolda-ziurtagiria barne.
  • Erroldatze ziurtagiri kolektiboa interesatuak badu desgaitasun bat daukan zuzeneko senidea, genero indarkeriaren biktima baten seme edo alaba bada (25 urte baino gutxiagokoa), edota terrorismoaren biktima baten senidea.
• Ikasleak espedientea lekuz aldatu beharko du unibertsitatean sartzeko proba UPV/EHUn egin ez badu, edota unibertsitateko beste ikasketa batzuetan matrikulatuta egon bada.
• Datu ekonomiko eta estatistikoen orria (pdf, 218 Kb)

Matrikularen ordainketa helbideratu nahi baduzu, bankuko datuak eman beharko dituzu ordainketa helbideratzeko inprimakiaren bidez (pdf, 75 Kb) matrikula egiterakoan; baina gogoratu txartelaren bidez ere ordain dezakezula.

Gainerako dokumentuak UPV/EHUren aplikazio informatikora igo beharko dituzu 10 eguneko epearen barruan. Ikasle profila erabili behar duzu aplikazioan sartzeko, eta “Matrikulak” karpetako “Matrikulatzeko dokumentazioa igo” atala aukeratu. Bideo bat daukazu azalpenekin.

Prezioak ordaintzetik salbuetsita egoteko edo prezioak murrizteko eskubidea baduzu (familia ugaria, desgaitasuna eta abar), eta hori egiaztatzen duen agiria zure espedientean badago, unibertsitateak zuzenean aplikatuko dizu murrizketa. Horrela ez bada, kasuan kasuko egiaztagiria igo beharko duzu UPV/EHUren aplikazio informatikora 10 eguneko epean. Zure ikastegiko idazkaritzak agiriak aztertu eta balidatu ondoren, dagokizun murrizketa aplikatuko zaizu.

Ordaintzeko erak:

• Kreditu txartelaren bidez:
  • Ordainketa bakarra, matrikula egiterakoan.
  • Bi epetan, lehenengoa matrikula egiterakoan eta bigarrena 2022ko abenduaren 1ean, UPV/EHUren aplikazio informatikoa erabilita (“Egin gabe dauden ordainketen kudeaketa” atala).
• Banku helbideratzearen bidez:
  • Ordainketa bakarra, matrikula egiterakoan.
  • Bi epetan, lehenengoa matrikula egiterakoan eta bigarrena 2022ko abenduaren 1ean.

• Ikasle berriek matrikula egiteko eskuliburua (pdf, 3,6 Mb)

Bideo tutorialak

Matrikulako bideoen pantailak berdinak dira, bai matrikula online bada, bai aurrez aurrekoa bada. 

• Behin betiko matrikula
• Matrikula baldintzatua
• Aukera hobe batean onartua izatea