Poster erakusketarako prestatuko diren posterrek orientazio bertikala izan beharko dute, eta gehienezko neurria 80 x 120 cm-koa izango da.

Posterra aurkeztera bazatoz, 4 arlo hauetatik, proposamenaren gaiarekin zerikusia duten bat edo bi hautatu:

1. IKD i3 ESPERIENTZIAK: UPV/EHUren hezkuntza eredu eguneratuan eragin zuzena duten esperientziak, adibidez:

• Ikasleengan prestakuntza eragin handia dutenak
• Diziplina anitzen elkarlanean garatutako proiektuak
• Ikerketan oinarritutako ikaskuntza garatzen dutenak
• Gizartearen erronkei erantzuna ematen diotenak

2. PLANETA i3 ESPERIENTZIAK: Ingurumen irizpideak campusen egunerokoan eta ikaskuntzan txertatzen dituzten esperientziak alor hauetan, adibidez:

• Osasuna eta elikadura
• Industria, Berrikuntza eta Azpiegiturak, hiri eta komunitate iraunkorrak bultzatzeko
• Ekoizpen eta kontsumo arduratsuak
• Energia berriztagarri eta klimaren aldeko ekintzak

3. INKLUSIOA i3 ESPERIENTZIAK: Egoera desberdinetan aukera berdintasuna bermatzeko asmoz, oztopoak ezabatzen dituzten esperientziak, adibidez:

• Gizarte boluntariotzakoak
• Dibertsitate funtzionalari begirakoak
• GKEekin elkarlanekoak
• Beren eskubideak murriztuta dituztenekikoak

4. BERDINTASUNA i3 ESPERIENTZIAK: Genero eta orientazio arrazoiengatiko aniztasuna errespetatzen duen Unibertsitatea izan gaitezen laguntzen duten esperientziak, hala nola:

• Genero ikuspegia eta teoria feminista ikaskuntzan txertatzen dutenak
• Genero edo orientazioagatiko aniztasunarekiko errespetua bultzatzeko helburua dutenak
• Emakume eta gizonen berdintasunarekin konprometituta dauden beste erakunde batzuekin lankidetzan egindakoak