Vitoria-Gasteizko Ingeniaritza Eskolak STEAM Elkarlaneko Arte Tailerraren saio berriak antolatzen ditu, CUIDAR/ZAINDU – Pertsonak  Ura  Bizitza eraikitzen eta muntatzen aritzeko, formatu handiko bost banderatxoz osatutako instalazio artistikoa.

Pertsonekin, urarekin eta biodibertsitateekin lotutako irudien bidez, bizitzaren eta planetaren zaintzari buruz hausnartzera gonbidatzen du obrak, artea, ingeniaritza, kolaborazioa eta jasangarritasuna uztartuz.

Tailerrean, partehartzaileek eraikuntza- eta muntaketa-lanetan lagunduko dute: sostengu- eta egonkortasun-oinarriak prestatzen, masta desmuntagarriak mihiztatzen, inprimatutako oihalak jartzen eta doitzen eta erakusketa-espazioetan banderolak instalatzen.

Horren emaitza erakusketa artistiko ibiltari bat izango da, muntaketa, desmuntaketa eta lekualdaketa errazteko diseinatua, eta Eskolako eta Arabako Campuseko hainbat espazio zeharkatzeko pentsatua.

Hurrengo saioak

• Datak: 2026ko urriaren azken astea (26tik 30era).
• Ordutegia: astelehenetik ostiralera 11:00 – 13:00 eta ostegunean 18:30 – 20:00.
• Lekua: 1. bilera-gela (sala de reuniones 1), Vitoria-Gasteizko Ingeniaritza Eskola.
• Parte-hartzea: Ikasleak, TEKAZEL, irakasleak eta ikertzaileak, lan-kontratuko langileak eta senideak. Ingeniaritza Eskolakoak eta Arabako Campusekoak.

Parte hartu obra kolektibo berri baten eraikuntzan!

Tailerra " Euskal herritarren kultur jardueren banderak: Obras colaborativas STEAM para Espacios Abiertos en el Campus" jardueraren testuinguruan egiten da, Arabako Campuseko 2026ko unibertsitate-proiekzioaren laguntzarekin eta Vitoria-Gasteizko Ingeniaritza Eskolako Zuzendaritzaren laguntzarekin.