INFORMAZIO OROKORRA

IKASTURTEA: 2025/2026
ARLOA: Ikasketa Teknikoak
KREDITUAK: 2 ECTS (*) kreditu
MATRIKULA TASA: 96€ (Asegurua 4,00 €)
ARDURADUN AKADEMIKOA: Alexander Mendiburu Alberro eta Libe Mori Carrascal

(*)  ECTS kreditu batek 25 orduko balioa du.

AURKEZPENA

Ikastaro honek zibersegurtasunari buruzko sarrera orokorra eskaintzen du, eta ikasleak oinarrizko kontzeptuetan, erreferentzia-esparru erabilienetan eta sektorearen egitura profesionalean orientatzen ditu. Teoria eta ariketa praktikoak uztartzen dira, informazioaren segurtasuna sostengatzen duten oinarri teknikoen eta antolamenduzkoen zeharkako ulermena eskaintzeko.

Helburuak:

• Informazioaren segurtasunaren oinarrizko printzipioak eta haien aplikazio praktikoa ulertzea.
• Egungo mehatxu eta ahulezia nagusiak identifikatzea, baita eraso-teknika ohikoenak ere.
• Zibersegurtasun-ekosistema bat osatzen duten lan-egoera eta rolak ezagutzea.
• Nazioarteko erreferentzia-esparru eta estandar nagusiak ezagutzea (NIST, ISO 27001, ENS).
• Kriptografiaren eta sarbide-kontrolaren oinarrizko kontzeptuak sartzea.
• Mehatxuen panorama globala eta nazionala aztertzea (ENISA, CCN, INCIBE).

Edukiak:

• Zibersegurtasunaren funtsezko printzipioak
• Gaur egungo zibersegurtasunaren eta mehatxuen ikuspegi globala
• Kriptografia eta babes-mekanismoak
• Sare eta sistema seguruen oinarriak
• Posta elektronikoa eta nabigazio segurua
• Nazioarteko segurtasun-estandarrak eta esparruak
• Ekosistema profesionala eta rolak zibersegurtasunean
• Sarrera praktikoa: mehatxuak identifikatu eta gutxitzea.

ZURE BILA GABILTZA

Zibersegurtasuna konpetentzia estrategikoa bihurtu da sektore guztietako erakundeentzat. Errealitate horren jakitun, Euskal Herriko Unibertsitateko Informatika Fakultateak zazpi ikastaro eskaintzen ditu, beren profil profesionala eguneratu, indartu edo birbideratu nahi duten pertsonentzat.

IRTEERA PROFESIONALAK

Eskaintzen diren ikastaroei esker, hainbat ezagutza lortuko dituzu zibersegurtasunaren alorrean, eta hainbat eskumen lortuko dituzu zibersegurtasunaren oinarrietan, gobernuan eta betetzean, arkitektura eta garapen seguruetan, gertakarien ikerketan, segurtasun erasokor eta defentsiboan, edo OT inguruneko zibersegurtasunean.

BALDINTZAK

Ez dago prestakuntza honetarako baldintzarik, baina IKT arloan ezagutza eta esperientzia izatea gomendatzen da.

IRAKASKUNTZA

HASIERA ETA AMAIERA DATA: 2026/02/16tik 2026/03/15era
EMATEKO TOKIA: Birtuala
HIZKUNTZA: Euskera eta gasztelania

INFORMAZIOA/IZEN-EMATEA

SAIL EDO ORGANO ARDURADUNA: Informatika Fakultatea
HELBIDEA: Manuel de Lardizabal Pasealekua, 1. 20018 Donostia-San Sebastián
TELEFONOA: 943 015 020
POSTA ELEKTRONIKOA: dif.zibersegurtasuna@ehu.eus