Izena emateko tutoriala

Tutorial honetan azalduko dizugu, urratsez urrats, zer egin behar den izena emateko (online plataformaren GAUR pantaila-harrapaketak barne): Izena emateko prozesua errazteko tutoriala (pdf).

Betekizunak

Doktoregorako sarbidea ematen duten tituluen zerrenda: Doktorego programetan izena ematerakoan doktoregora sartzeko dauden bideei buruzko oharra (pdf, 76 Kb).

Urratsak

• 1. urratsa: online plataformara sartu aurretik, prestatu dokumentazio guztia (ikusi beherago; doktorego-programa batzuek tesiaren zuzendari izango denaren aldez aurreko abala eskatzen dute)
• 2. urratsa: sartu GAUR online plataforman (hautatu "Doktorego Programak")
• 3. urratsa: bete zure ikasketei buruzko informazioa
• 4. urratsa: hatutatu doktorego programa (bakarrik eman dezakezu izena programa batean)
• 5. urratsa: igo dokumentuak (prestatu dokumentazio guztia online plataformara sartu aurretik)
• 6. urratsa: klikatu "Baieztatu"
• 7. urratsa: jaitsi izena ematearen frogagiria.

Argibideak

• Dokumentuak igotzeko arazoak izan badituzu: Izena emateko tramitea behar bezala osatzeko, programarako eskatzen diren dokumentu guztiak online igo behar dituzte interesdunek. Aplikazioarekin gorabeherarik izanez gero, dokumentazio hori zuzenean bidali ahal zaio doktorego programaren webgunean administrazio harremanetarako agertzen den pertsonari.
• Eskatutako titulua oraindik ez baduzu lortu: EHUko Doktorego Ikasketa Ofizialen Gestiorako Arautegia 2025eko abenduaren 23koan ezarritako sarbide baldintzak bete arren graduko/masterreko titulua eskatzeko moduan ez dauden pertsonek ere izena eman ahal izango dute, eta onartuak izango dira baldin eta matrikula egiten dutenean titulua eskuratuta badute.

Harremanetarako

DOKUMENTAZIO OROKORRA (nahitaezkoa):

• Nortasun-agiria: NAN, AIZ edo pasaportea (nahitaezkoa, EHUko ikasleen kasuan izan ezik).
• CV (Curriculum vitae).
• Sarbiderako tituluen fotokopia, edo titulu horiek eskatu izanaren frogagiriak.
• Europako erakundeek emandako titulazioen kasuan bakarrik:
  • TGE (Tituluaren Europako Gehigarria) (Bolognako erreformaren ondoren emandako titulazioetarako) 
  • edo GHKEE 3. maila egiaztatzeko ziurtagiria (Goi-mailako Hezkuntzako Kualifikazioen Espainiako Esparrua; Bolognako prozesua eraberritu aurretik emandako titulazioetarako bakarrik).
• Aurretik egindako unibertsitate titulazio ofizial guztien ziurtagiri akademikoen fotokopia, halakorik izanez gero, irakasgai guztietako kalifikazioak eta deialdiak adierazita.

• Etorkizuneko zuzendariaren abal akademikoa: Doktorego-programa batzuek (ez guztiek) doktorego-programako ikertzaile baten bermea behar dute, doktorego-tesiaren balizko zuzendari gisa. Abal honekin, idatziz adierazten du aurreinskribatzen den pertsonaren tesia zuzentzeko interesa duela.​​​​​​

  • ​​​​​Izena eman nahi duzun programaren webguneko "Matrikula" atalean aurkituko duzu doktorego-programen abalei buruzko informazioa. Zure tesia zuzendu dezakeen irakasle bat aurkitzeko, kontsultatu programaren webguneko "Irakasleak" atala. Esteka honetan, programa guztien webguneetara sar zaitezke.​

  • Deskargatzeko eta betetzeko abal akademikoaren eredua esteka honetan dago eskuragarri (DOKeren izapideen orrian ere deskarga dezakezu dokumentua).​​​​

BESTE DOKUMENTAZIOA (kasu batzuetan bakarrik aplikatzen da):

1. DOKTOREGO-PROGRAMEN BETEKIZUNAK: ​​

• ​​​Programaren betekizun espezifikoak: doktorego-programan sartzeko baldintza espezifikoak betetzen direla egiaztatzen duen dokumentazioa.
• Programak eskatzen dituen merezimenduak: merezimenduak egiaztatzeko agiriak, doktorego-programak eskatuz gero.

2. DESGAITASUNA

• % 33ko desgaitasuna edo handiagoa egiaztatzen duen dokumentazioa (nahitaezkoa, doktorego-programa bakoitzean desgaitasuna duten pertsonentzat gordetako plazen % 5eko kupoan onartua izateko aukera egin nahi bada).

3. ATZERRIKO TITULUAK

A. Titulua Europako Unibertsitate Eremuko kidea den herrialde bateko unibertsitate batek eman badu:

• Sarbideko unibertsitate-titulazio ofizialen egiaztagirien zinpeko itzulpena, gaztelaniaz, euskaraz edo ingelesez idatzita ez badago (ziurtagiriak eta tituluak).
• TGE edo Kualifikazioen Europako Esparruko KEE 7 maila egiaztatzeko ziurtagiria.Aurkeztutako ziurtagirian ez badago jasota titulu horrek doktorego-ikasketak egiteko ahalmena ematen duenik, bi modu hauetako batean egiaztatu beharko da:
  • Jatorrizko unibertsitatearen ziurtagiria, non adieraziko den egindako ikasketek herrialde horretan doktorego bat egiteko aukera ematen dutela.
  • Eskatzaileak idatzi eta sinatutako agiria, non aipatuko dituen informazioa egiaztatzen duten iturriak (webguneak, etab.), bai eta aurkeztutako dokumentazioa zuzena dela dioen zinpeko adierazpena ere.

B. Titulua Europako Unibertsitate Eremuko kidea ez den herrialde bateko unibertsitate batek eman badu, aipatutako dokumentuez gain (TGEa edo KEE7 maila egiaztatzeko ziurtagiria izan ezik), honako hauek aurkeztu beharko dira:

• Unibertsitateko titulu ofiziala legeztatuta/Hagako zigiluarekin aurkeztu behar da.
• Espediente akademikoan irakasgaien ordu kopurua agertu beharko da.
• Titulu horrek doktorego-ikasketak egiteko ahalmena ematen duela egiaztatzen duen ziurtagiria, honako bi modu hauetako batean egiaztatu beharko dena:
  • Jatorrizko unibertsitatearen ziurtagiria, non adieraziko den egindako ikasketek herrialde horretan doktorego bat egiteko aukera ematen dutela.
  • Eskatzaileak idatzi eta sinatutako agiria, non aipatuko dituen informazioa egiaztatzen duten iturriak (webguneak, etab.), bai eta aurkeztutako dokumentazioa zuzena dela dioen zinpeko adierazpena ere.
• UPV/EHUn doktoregoko ikasketak egiteko baimena, UPV/EHUko Graduondoko Batzordeak emana. Baimen horrek ez dauka loturarik doktorego programa batean onartua izateko prozesuarekin.