Aurkezpena

Teknologia Elektronikoko Departamentua 69 irakaslek eta 10 ikerlarik, administrazio eta zerbitzuetako 7 langilek, zenbait bekadunek eta barneko ikasle batzuek osatzen dute Teknologia Elektronikoa Saila.

 

UPV/EHUko hiru Campusetan, 4 ikastegitan ematen ditugu eskolak:

Bilboko Ingeniaritza Eskolako (BIE) 7 gradutan, Vitoria-Gasteizko Ingeniaritza Eskolako (VGIE) 5 gradutan, Gipuzkoako Ingeniaritza Eskolako (GIE) 5 gradutan Donostian eta Eibarren.

 

Irakasgaien artean, hautazko batzuk eskaintzen ditugu, ikasleak lanbidean egoki sartzeko asmoz aukeratuak: Sistema elektronikoen berezitasuna, Telekomunikazio Teknologiaren Ingeniaritzako graduan (BIE), Instrumentazio birtuala eta Proiektu garapena, Industria elektronikaren eta automatikaren ingeniaritzako graduan (BIE), Zirkuitu elektroniko aurreratuen diseinua eta simulazioa eta Telekomunikazioak industrian, Industria elektronikaren eta automatikaren ingeniaritzako graduan, eta Industria gailuen mantentzea, Ingeniaritza mekanikoko graduan (GIE-Donostia), Diseinu eta Simulazio Elektronikoa, Mikroelektronika eta Sistema txertatuak, Industria elektronikaren eta automatikaren ingeniaritzako graduan (VGIE), Energia bihurtzeko sistema elektronikoak, Energia berriztagarrien ingeniaritzako graduan (GIE-Eibar).

 

Gure ikerketa-lerroetan, doktoregai, bekadun eta ikasle ugari hezten ditugu. Ondoren, Elektronika ardatz estrategikoa denez inguruko enpresa askotan, nahiko erraz topatu ohi dute lana.