Gizarte eta Komunikazio Zientzien Fakultatean hezkuntza lankidetzako praktikak eskatu eta parte ahal izango du:  

• 120 ECTS gaindituta dituzten Ikastegiko graduetako ikasleak
• Ikastegiko Master ofizialetako ikasleak

Baldintza akademikoak betetzen badira, ikaslea GAURen sartu ahal izango da eta bertan, Borondatezko Praktikak izeneko erlaitzan alta eman eta bere CVa jarri ahal izango du.

Borondateko praktikak. Ikaslearen eskuliburua. (pdf, 1,5 Mb)

Ikasleak hiru aukera ditu hezkuntza-lankidetzako praktiketan sartzeko:

1. Eskaintza masiboak: Fakultateak ikasturte bakoitzean hezkuntza-lankidetzako hiru eskaintza masibo argitaratzen ditu, lehen lauhilekoan, bigarren lauhilekoan eta udan egin beharrekoak. Eskaintza masiboak web orriaren, sare sozialen eta Praktiges sistemaren bidez zabaltzen dira.
   • Kasu horretan, praktiketako eta lan orientaziorako dekanordeak esleitzen ditu praktikak, ikasleak espediente akademikoan duen bataz besteko notaren irizpidea aplikatuta. Hautaketa-prozesuan lehentasuna izango du lehenengo praktika-aldia eskatzen duen ikasleak.
2. Eskaintza puntualak: ikasturtean zehar ikasleak praktiketan hartu nahi dituzten enpresen/entitateen mezuak jasotzen dira. Eskaintza horiek ez dira eskaintza masiboan argitaratu eta ikasleari mezu baten bidez helaraziko zaizkio @ikasle.ehu.eus helbidera. 
   • Kasu horretan, enpresa/entitatea arduratzen da hautaketa-prozesuaz, eta dekanordeari komunikatzen dio prozesu horren emaitza.
3. Zuzeneko esleipenak: Ikastegiko edozein ikasle praktikaldi bat egitea interesatzen zaion enpresa/entitatearekin  harremanetan jar daiteke. Bi alderdiak ados badaude, praktiken eta lan orientazioaren dekanordetzari jakinaraziko diote.  

Praktika bat esleitu ondoren, dekanordetzako idazkaritzak praktiken hitzarmena prestatuko du.

Honako kontu hauek hartuko dira aintzat:

1. Ikasleak gutxienez 180 ordu egin beharko ditu hitzarmena sinatzeko
2. Gizarte eta Komunikazio Zientzien Falultateko edozein gradutako ikasleak hiru praktika-aldi egin ahal izango ditu ibilbide akademikoan zehar, gehienez 1200 ordukoak hirurak batuta. 
3. Ikasturteko lehen eta bigarren lauhilekoetan egin beharreko praktikaldietan, ikasleak astean gehienez 20 ordu eman ahal izango ditu praktiketan.
4. Udan egun beharreko praktikaldietan, ikasleak astean gehienez 35 ordu eman ahal izango ditu praktiketan.

Pratiketako hitzarmena idatzi ondoren, ikasleak, enpresak edo entitatean eta Fakultateko dekanoak sinatu dezaten bidaliko da.

Hitzarmenean 4 figura garrantzitsu agertzen dira:

1. INSTRUKTOREA: praktiketan zehar ikasleen jarraipena egiteaz arduratuko den enpresako edo praktiken helburuko pertsona da.
2. TUTOREA: Ikastegiko irakaslea da eta ikasleak bere praktika gauzatzean egindako jardueraren garapena gainbegiratuko du. Tutorea ikasleak aukeratuko du.
3. IKASLEA: prestakuntza jarduera osagarriaren hartzailea. Ikasleak enpresako edo entitateko bere instruktorearekin eta Fakultateko tutorearekin harremanetan jarri beharko du, kontsultak, txostenak edo jarduera praktikoari atxikitako edozein zeregin helarazteko.
4. I.P.A.: Ikastegiko praktiken arduraduna, hitzarmenen zabalkundea, esleipena, idazketa eta jarraipena egiteaz arduratuko dena, bai eta prozesuaren eta prozeduraren edozein gorabehera ebazteaz ere.

Behin hitzarmena sinatuta, hautatutako pertsona bertan adierazitako lehen egunean sartuko da enpresan/entitatean.

Hitzarmena hasieran adostutako datatik harago luzatzea beharrezkotzat jotzen bada, eskaera praktiken eta lan orientaziorako dekanordetzara bidali beharko da.

Egonaldian arazoren bat sortzen bada, ikasleak, lehenik eta behin, enpresako edo entitateko instruktorearengana jo beharko du arazoa konpontzeko. Arazoa behar bezala konpontzen ez bada, Ikastegiko tutorearen esku-hartzea eskatuko da. Egoerak bere horretan jarraituko balu, Ikastegiko praktiken arduradunari jakinaraziko zaio.

Praktika amaitutzat jotzeko, ezinbestekoa izango da:

1. Enpresako edo entitateko instruktoreak eta Ikastegiko tutoreak praktiken ebaluazio-txostena bete behar dute GAURen (horretaz ohartarazteko mezu elektronikoa jasoko dute)   
   • Praktiken  instruktorearen eskuliburua. (pdf, 452 Kb)

   • Praktiken tutorearen eskuliburua. (pdf, 456 Kb)

2. Ikasleak dagokion memoria beteko du GAURen

Baldintza horiek bete ondoren, Ikastegiko idazkaritzan eskatu ahal izango da hitzarmenena agertzen den gradurako praktikengatiko hautazko 6 kredituak aitortzea.

Praktika osorik eta modu egokian amaitu ondoren baino ezingo da hezkuntza-lankidetzako praktiken hitzarmen berri bat formalizatu.

Praktika baten amaiera aurreratzeko:

• ikasleak uko egiteko dokumentua eskatuko dio dekanordetzako idazkaritzari.
• Agiri hori behar bezala bete eta ikastegiko praktiketako arduradunari bidaliko dio, arrazoiak justifikatuz. Kopian jarriko ditu enpresako edo entitateko instruktorea eta tutorea.
• Aldez aurreko amaiera edo uko egitea onartu ondoren, instruktorearen, tutorearen eta ikaslearen azken txostenak bete beharko dira

Kredituak aitortzeko aukera dago honako titulazio hauetan borondatezko praktikak egiteagatik:

• Ikastegiko gradu guztiak, gradu bikoitzak izan ezik.
• Masterretan, baldin eta kasuan kasuko batzorde akademikoak praktikengatiko kredituak aitortzea aurreikusten badu.

Ikastegiak hitzarmen baten bidez egindako eta amaitutako praktikekin aukera ematen du  graduko hautazko 6 kreditu aitortzeko.  Ikasketak egiten diren bitartean hiru praktika-hitzarmen ezberdin eska badaitezke ere, ikasleak egindako lehen praktika-hitzarmenerako  6 hautazko kreditu baino ez dira aitortuko.

Kredituak aitortzeko, hiru sinadurak daramatzan hezkuntza-lankidetzarako hitzarmena aurkeztuko da Fakultateko Idazkaritzan.

Politika Zientziako eta Kudeaketa Publikoko Gradua eta Soziologiako Gradua

• Eskaera egiteko urratsak

Deialdiak gradu guztietarako

• Hezkuntzarako lankidetza praktikak lehen lauhilekoa 2024/2025
• Hezkuntzarako lankidetza praktikak bigarren lauhilekoa 2024/2025
• Hezkuntzarako Lankidetza Praktikak 2024/2025

Praktiken arautegia

• UPV/EHUko ikasleen kanpoko praktika akademikoen arautegia
• EHAA, 2019ko abuztuaren 6a, asteartea