Eskaera egin ahal izateko UPV/EHU erabiltzaile eta pasahitzarekin sartzea beharrezkoa da (EGELA edo GAURekoak).
2022/2023 ikasturteko matrikula ordaintzeko zailtasunak dituzten UPV/EHUko ikasleentzako bueltatu-beharreko laguntzak
2023ko apirilaren 18an,Universidad del País Vasco/Euskal Herriko Unibertsitateko Gobernu Kontseiluak onartu du bat-batean sortutako edo denboran zehar dirauten arazo ekonomikoen ondorioz, zailtasunak dituzten UPV/EHUko ikasleei laguntza bueltatu beharrekoak emateko deialdia.
Laguntza eskatu ahal izango dute UPV/EHUn graduko ikasketetan edo lanbide atribuzio edo orientazioa duten unibertsitate masterretan 2023-2024 ikasturtean matrikulatuko diren ikasleek eta 2022-2023 ikasturtean ikasketak bukatuko dituzten ikasle guztiek.
Eskaria egin ahal izango dute, betiere, ikasturtea hasi ondoren bat-batean sortu bazaie arazo ekonomikoren bat edo, unibertsitate ikasketak hasi ondoren, denboran zehar dirauten arazo ekonomikoak badituzte, eta 2022-2023 ikasturtean bekarik edo ikasketetarako laguntzarik eskuratu ez badute.
Laguntza bueltatzeko bi bide daude: dirutan edo, kasu jakin batzuetan, emandako laguntzaren zati bat dirutan bueltatu ahal izango du ikasleak eta, beste zati bat, erakundearekiko edo unibertsitateko kideekiko lankidetza jardueren bidez. Jarduera hauek ez dute inola ere ordezkatuko ordaindutako zerbitzu profesionalik.
Eskaerak Eusko Jaurlaritzaren beka erabakiari lotuta egongo dira.