Hizkuntza gaitasunaren akreditazioak

Hizkuntza akreditazioari buruzko informazio orokorra

Nazioarteko arloan hizkuntza zehatz baterako gaitasuna Hizkuntzen Europako Erreferentzia Markoaren arabera sailkatzen da, zeinek A1etik (Sarrera) C2ra (Maisutasuna) doazen 6 mailetako sailkapena ezartzen duen.

Hurrengo esteketan, erreferentzia moduan, aurkitu daitezke Espainiako Unibertsitateetako Errektoreen Batzarrak eta Asociación de Centros de Lenguas en Enseñanza Superior Espainiar Estatuan onartzen dituzten ziurtagiriak eta, Europan, Association of Language Testers in Europe elkarteak onartzen dituenak; halaber, ziurtagiri horien parekoak HEEM mailen arabera.

 

UPV/EHUrekin hitzarmena duten azterketen eskaintza

UPV/EHUk ikasleei hizkuntza batzuen gaitasuna ziurtatzeko aukera eskaintzen die Campusetan azterketa ofizialak antolatuz. Hurrengo esteketan azterketa bakoitzaren inguruko informazio gehigarria aurki daiteke. 

 

UPV/EHU-tik kanpo eskaintzen diren beste hizkuntza azterketak

  • ​​​​​​​IELTS eta TOEFL

    • Herrialde batzuetan, AEB, Australia, Zeelanda Berria, Kanada, besteak beste, unibertsitateek berariazko testak eskatzen dituzte, hala nola TOEFL eta IELTS, lehen hizkuntza ingelesa ez duten pertsonen hizkuntza ezagutza ebaluatzeko.

    • Informazio gehiago nahi izanez gero, jo IELTSren orri ofizialera.

    • Informazio gehigarria TOEFL orrialde ofizialean.

  • ​​​GRE

    • GRE® General Test denbora luzean zehar eskuratuak izan diren eta ezagutza arlo zehatz batekin erlazionatuta ez dauden gaitasunak ebaluatzen dituen azterketa da, hain zuzen ere, pentsamendu kritikoa, idazmen analitikorako trebetasuna, ahozko arrazoibidea eta arrazoibide kuantitatiborako gaitasunak. 
    • GRE azterketa egitea goi mailako erakunde askotan onartua izateko ezinbesteko baldintza da, batez ere UPV/EHUk hitzarmenik ez duen unibertsitate amerikarrekin. 
    • Informazio gehigarria GRE orrialde ofizialean.