GRADU ETA ERALDAKETA DIGITALERAKO ERREKTOREORDETZAREN OHARRA

Gradu eta Eraldaketa Digitalerako Errektoreordetzaren GAITUZ 2026 deialdiaren oinarriak 2026ko urtarrilaren amaieran argitaratuko dira.

Deialdi honen xedea da EHUren lehentasun instituzionalekin lerrokatutako gaitze eta eguneratze pedagogikoa sustatzea, irakaslegoaren irakaskuntza-kalitatea eta ikasleen ikaskuntza-esperientzia hobetzeko. Deialdi honek irakasleen prestakuntza hasierakoa eta etengabea sendotzea bilatzen du, irakaskuntza-praktika hobetzen duten prestakuntza- eta berrikuntzara zuzendutako formazio-ekintzak finantzatuz, beti ere, unibertsitatearen premiei erantzuteko: ebidentzian oinarritutako hezkuntza berrikuntza, ebaluazio formatiboa, gaitasun digitalak, elebitasuna/eleaniztasuna eta inklusioa.

GAITUZ programak gure i3 hezkuntza-eredua indartzeko eta sendotzeko tresna izan nahi du; beraz, diruz lagundutako ekintza guztiek eredu honekin lerrokatuta egon behar dute.

Deialdi honetako irakasle onuradun izateko baldintza izango da EHUn kontratua indarrean izatea, bai deialdia argitaratzen den datan, bai diruz lagundutako jarduera gauzatzen den datan.

GAITUZ 2026 deialdiaren bidez diruz lagundu daitezkeen gastuak honako jarduera hauei lotuta egongo dira:

• a) Goi-mailako irakaskuntzarekin  eta hezkuntza berrikuntzarekin zerikusia duten biltzarretara joatea (ez dira diruz lagunduko aipatutakoaz bestelako esparruetan berrikuntza/ikerkuntzarekin zerikusia duten topaketa edo biltzarrak).
• b) Goi-mailako irakaskuntzarekin eta hezkuntza berrikuntzarekin zerikusia duten artikuluak argitaratzeko zerbitzuak (itzulpenak eta berrikuspenak). Ez dira aldizkarien argitalpen-tasak diruz lagunduko.
• c) i3 hezkuntza-ereduarekin lerrokatuta dauden eta unibertsitate eta/edo ikastetxe batek baino gehiagok parte hartzen duten EHUren hainbat programatan garatutako proiektuetan garapenerako jarduerak eta ekintzak.
• d) Goi-mailako irakaskuntzari eta hezkuntza-berrikuntzari buruzko ekitaldiak (kongresuak, jardunaldiak, mintegiak, etab.) antolatzearekin lotutako jarduerak.
• e) Goi-mailako irakaskuntzan irakasleen gaitasuna eta gaitasun berritzailea hobetzeko prestakuntza-ekintzak, betiere prestakuntza hori EHUn eskaintzen ez bada hezkuntzaren hobekuntzarekin eta berrikuntzarekin lotutako alderdietara bideratutako prestakuntza-programetan.
• f) i3 hezkuntza-ereduarekin lerrokatuta dauden EHUren hainbat programatan garatutako proiektuen esparruan sortutako irakaskuntza-materiala argitaratzea, betiere unibertsitate-komunitate osoaren eskura modu irekian jartzen badira.

Proposamenak onartzeko gutxieneko irizpideak ezarriko dira, baita proposamen bakoitzean diruz lagundu daitekeen gehieneko zenbatekoa ezartzeko baremoak ere.

GAITUZ 2026 jarduerak egiteko epea 2026ko urtarrilaren 1etik abenduaren 30era bitartekoa izango da. Oinarriak argitaratu aurretik 2026an egiten diren jarduerak atzeraeraginezko izaerarekin finantzatu ahal izango dira, betiere baldintzak betetzen badituzte eta Ebaluazio Batzordeak jarduera egiteko proposamena onartzen badu.