Unibertsitateko ikasleen Estatutua onartzen duen abenduaren 30eko 1791/2010 Errege Dekretuan jasotzen denez:

• Ikasleen mugikortasunari buruzko IV. Kapituluko 18. artikulua: desgaitasuna duten ikasleen nazio eta nazioarteko mugikortasunari buruzkoa da; EHUk sustatuko du desgaitasuna duten ikasleentzako nazio eta nazioarteko mugikortasun programetan parte hartzea.

Programa hauetan desgaitasuna duten ikasleen arreta errazteko asmoz, jarraian Nazioarteko Harremanetarako Bulegoko Zuzendaritzarekin adostutako prozedurak adieraziko ditugu.

EHUko Hezkuntza Premia Bereziak dituzten Ikasleen Arretarako Aukera Berdintasunerako Erregelamenduaren 5.3 artikuluak ezartzen duenez, EHUk parte hartzen duen mugikortasun-programen esparruan beste unibertsitate batera joango den hezkuntza-premia bereziak dituen ikasleak txosten psikopedagogiko bat eskatu ahal izango dio Desgaitasunen duten Pertsonentzako Zerbitzuari, behar dituen premiak eta egokitzapenak jasotzeko.

Ikasleak hala eskatzen badu, Zerbitzuak egokitzapenen txostena bidaliko dio zentroko mugikortasun-arduradunari, hark helmugako unibertsitatera bidal dezan.

1.1.1. DESGAITASUNAK DITUZTEN IKASLEENTZAKO LAGUNTZAK

Hezkuntza-laguntzako premia espezifikoak dituzten ikasleentzako laguntzak dira eta Erasmus+ programaren parte-hartzaileei zuzenduta daude.

• https://erasmus-plus.ec.europa.eu/es/programme-guide/erasmusplus-programme-guide
• http://sepie.es/
• http://www.sepie.es/doc/comunicacion/publicaciones/2022/financiacion_educacion_superior_2022_ka131.pdf
• https://www.ehu.eus/es/web/discapacidad/erasmuserako-laguntzak

EHUko Hezkuntza Premia Bereziak dituzten Ikasleen Arretarako Aukera Berdintasunerako Erregelamenduaren 5.4 artikuluak arautzen du mugikortasun-programen bidez heldutako EHUko ikasle bisitarientzako arreta.

    
Ikastegiko mugikortasun programen koordinatzailea arduratuko da EHUk parte hartzen duen mugikortasun programen esparruan, eta EHUko ikasketak egitera etorri nahi duten desgaitasunak eta, oro har, hezkuntza premia bereziak dituzten ikasleen kontsultak kudeatzeaz.

Ikasleak egiten duen egokitzapen eskaerari erantzuteko, EHUko ikastegiko mugikortasun koordinatzaileak jatorrizko unibertsitateari txosten psikopedagogikoa eskatuko dio,  ikasleak izan dituen premiak eta baliabideak jasoko dituena. Txosten hau, ikaslea etorri aurretik, jatorrizko unibertsitateari eskatzea beharrezkoa da.

Txosten hori jasotzen denean EHUko Desgaitasunak dituzten pertsonentzako zerbitzuari bidaliko dio, premien balorazioa eta aurreikuspena egin dezan.

Ikaslea EHUko ikastegira heltzen denean, ikastegiko mugikortasun koordinatzaileak bere etorreraren berri emango dio zerbitzuari  eta ikasleari egokitzapen eskaera GAUR aplikazioan formalizatzeko jarraibideak emango dizkio eta zerbitzuak egokitzapenak kudeatu ahal izango ditu.

Egokitzapenen eskaeran, ikasleak txosten mediko edo psikopedagogiko bat erantsi behar du. Txostenak egokitzapenak eskatzen dituen diagnostikoa jasoko ditu.

Zerbitzuak ikastegiko mugikortasun-arduradunaren esku jartzen du EHUko desgaitasunak eta hezkuntza-laguntzako premia espezifikoak dituzten ikasleei zuzendutako informazio espezifiko hau.

Arreta ematen dugun desgaitasun edota zaurgarritasun egoerak heterogeneoak dira. Agerikoak edo ikusezinak izan daitezke, jaiotzetikoak edo eratorritakoak, arinak edo larriak, aldi baterakoak edo iraunkorrak.

Ikasle batzuek, desgaitasun aitorturik izan ez arren, hezkuntza-laguntzako premia espezifikoak dituzte, eta horiei erantzun egin behar zaie.

Pertsonaren beharrak edo/eta inguruarenak kasu bakoitzean aztertu behar dira. Beharrezkoa da kontuan izatea pertsonaren nahiz inguruaren mugak.

Hauek dira EHUn artatutako hezkuntza-laguntzako premia espezifikoak:

• Entzumen desgaitasuna
• Ikusmen desgaitasuna
• Desgaitasun fisikoa (motore urritasunak eta gaixotasun organikoak)
• Ikasteko Zailtasun Espezifikoak (IZE: dislexia, disortografia, disgrafia, diskalkulia eta hizkuntzaren nahaste espezifikoa)
• Arreta Gabezia Nahastea-Hiperaktibitatea (AGN-H)
• Autismoaren Espektro Nahasmena (AEN)
• Nahaste Psikikoak (NP)

2024-2025 IKASTURTEAN HEZKUNTZA-LAGUNTZAKO PREMIA ESPEZIFIKOAK DITUZTEN ERROLDATUTA DAUDEN IKASLEAK

(1) Motore urritasunak eta gaixotasun organikoak

(2)IZE: Dislexia, disortografia, disgrafia, diskalkulia eta Hizkuntzaren Nahaste Espezifikoa

Desgaitasunak dituzten Pertsonentzako Zerbitzuak desgaitasunak dituzten ikasleak eta, oro har, hezkuntza-laguntzako premia espezifikoak dituzten  ikasleen aukera-berdintasunaren printzipioa bermatu, ikasketetarako sarbidea erraztu, unibertsitateko zerbitzuak jaso eta  unibertsitateko bizitzan parte hartzea errazteko eginkizuna du.

Atal honetan zerbitzuaren lana gidatzen eta zuzentzen duen erreferentzia dokumentalak eta araudia jasotzen dira. Zerbitzuko web atariaren bitartez jaso daitezke guztiak.

EHUko ESTATUTUAK

17/2011 DEKRETUA, otsailaren 15ekoa, Universidad del País Vasco/ Euskal Herriko Unibertsitateko Estatutuak onartzen dituena.

Desgaitasunak dituzten ikasleak eta, oro har, hezkuntza premia bereziak dituzten  ikasleen aukera-berdintasunaren printzipioa bermatzeko beharrezko neurriak jasotzen ditu.

Lehenengo Titulua. EHUren izaera eta helburuak

4. art -

2.- EHUk honako hauek sustatuko ditu:

b) Premia bereziak dauzkaten pertsonak unibertsitateko kideen artean izatea.

3.– EHUk emakumeen eta gizonen ber­dintasuna bermatuko du bere baitan eta beharrezko neurriak hartuko ditu inor diskriminatua izan ez dadin arrazoi hauengatik: jatorria, etnia, sexua, erlijioa, iritzia, hizkuntza edo bestelako egoera pertsonal edo sozialen bat. Beraz, EHUk aintzat hartuko ditu honako printzipio hauek: aukera berdintasuna, aniztasunaren eta diferentziaren errespetua, genero ikuspegia txertatzea, ekintza positiboa, sexuari lotuta­ko rolak eta estereotipoak baztertzea, eta gizonen eta emakumeen ordezkaritza parekatua.

II. Titulua Unibertsitateko kideak

V. Kapitulua. Premia bereziak dauzkaten pertsonak

67. art –

EHUk ekintzak bultzatuko ditu premia bereziak dauzkaten unibertsitateko kide­ek eta gainerako kideek aukera berdintasun berberak dauzkatela ziurtatzeko. Beraz, beharrezko baliabideak, informazioa, laguntza eta bitartekoak jarriko ditu premia bereziak dauzkaten pertsonen eskura

68. art –

1. –  EHUk bermatu egingo die aukera berdintasuna ezintasunak dauzkaten ikasle­ei eta unibertsitateko gainerako kideei. Beraz, debeka­tu egingo du edozein diskriminazio mota eta ekintza positiboa bultzatuko du, aipatutako pertsonen parte hartzea erabatekoa eta eraginkorra izan dadin unibertsitatean.

2. – Ezintasunak dauzkaten ikasleak eta unibertsitateko gainerako kideak ezin izango dira izan diskriminatuak beren ezintasunagatik, ez zuzenean ez zeharka, unibertsitatera sartzeko prozesuan, bertan ari direnean, eta titulu akademikoak edo onartuta dauzkaten bestelakoak baliatzean.

3. –  Ezintasunak dauzkaten ikasleek horrelakorik behar balute, unibertsitateko ikastegiek eta sailek esanguratsuak ez diren egokitzapen curricularrak egingo lituzkete eta ikasleen beharretara moldatutako tutoretza espezifikoak ezarriko.

4. –  EHUk egokitu egin beharko du bere ingurunea, legeriak xedatutakoari jarraiki, ezintasunak dauzkaten pertsonak oztoporik gabe ibili ahal izan daitezen bertan.

5. –  EHUk kontuan hartuko du ezintasunak dauzkaten pertsonei lana emateko arautegietan xeda­tutakoa, eta aplikatu egingo du langileak hautatu eta kontratatzean.

HEZKUNTZA PREMIA BEREZIAK DAUZKATEN EHUKO IKASLEEI AUKERA BERDINTASUNA BERMATZEKO ARAUTEGIA

AKORDIOA 2015eko apirilaren 30ean EHUko Gobernu Kontseiluak onartua, hezkuntza premia bereziak dituzten EHUko ikasleei aukera berdintasuna bermatzeko (eta 2023ko uztailaren 20ko EHUko Gobernu Kontseiluaren Erabakiaren bidez aldatua.)

Arautegi honen helburua da desgaitasunak eta, oro har, hezkuntza premia bereziak dituzten EHUko ikasleen arretarako ekintzak arautzea, unibertsitateko gainerako kideek dituzten aukera berberak bermatuko dizkieten ikasketetarako sarbidea erraztu, ikasketak egin eta erabateko parte hartzea izateko aukera izatea unibertsitatean egongo diren bitartean. 

Hurrengo informazioa aurki dezakezu:

• Hezkuntza premia bereziak dituzten ikasleen eskubideak eta erantzukizunak.
• Desgaitasunak dituzten Pertsonentzako Zerbitzuko jarduera prozedurak.
• Hezkuntza premia bereziak dituzten ikasleen aukera berdintasuna bermatzeko baliabideak.
• Erreklamazio prozedurak.
• Datuak babestu.

EHUko Gobernu Kontseiluak 2023ko abenduaren 14an onartua.

I. ARDATZA: Informazioa gizarte eta hezkuntza inklusioaren ikuspegitik ematen dela bermatzea, unibertsitate aurreko ikasleek unibertsitate ikasketak aukera erreal gisa ikus ditzaten eta beren egoerara egokitutako erabakiak har ditzaten.

1.1. Unibertsitatera sartzeko bideak, ikasketen eskaintza eta EHUn inklusioa babesteko neurriak eta baliabideak ezagutzera ematea.

1.2. Erabakiak hartzeko erraztasunak ematea, ikasleak beren aukerez kontzientziatuta.

II. ARDATZA: Aukera berdintasuna bermatzea, unibertsitate ikasketen sarreran.

2.1. Unibertsitatera sartzeko probak egiteko aukera bermatzea ikasle guztiei.

2.2. Unibertsitatera sartzeko administrazio tramiteak erraztea.

2.3. Aniztasuna aintzat hartuko duten prozesuak egitea, ikasleei unibertsitatean kokatzeko orduan lagunduko dietenak.

III. ARDATZA: Unibertsitate bizitza inklusioaren ikuspegitik garatzea.

3.1. Ahultasun egoeran dauden pertsonei unibertsitate ikasketak egiteko erraztasunak ematea.

3.2. Ikasleen parte hartze aktiboa bultzatzea unibertsitate bizitzan, eta EHUko kide izatearen sentimendua indartzea.

3.3. Ahultasun egoeran dauden ikasleek naziokoak nahiz nazioarteko mugikortasun programetan parte har dezaten sustatzea

3.4. Kultura inklusiboa EHUko unibertsitateko kideen artean zabaltzea, eta gizartearen sentsibilizazioan laguntzea.

3.5. Ikasleen enplegagarritasunaren alde egitea

IV. ARDATZA: Bizitza aktiborako igarobidea erraztea

4.1. Unibertsitate ikasketak amaitu ondoren erabakiak hartzeko

4.2. Hedabideetan presentzia eta sareko lana indartzea, ikasle egresatuen gizarteratzea errazteko.

V. ARDATZA: Arreta sistema integral eta jasangarria finkatzea

5.1. Arreta sistemaren osotasuna bermatuko duen inklusio kontzeptu konprometitu eta global batetik lan egitea.

5.2. Neurriak hartzea esklusio eta ahultasun arriskupean dauden kolektiboei arreta emateko sistema jasangarria izan dadin.

• Ikasleen eta Konpromiso Sozialerako errektoreordetza

  • Orientaziorako eta Hezkuntza Inklusiborako Zuzendaritza

    • Desgaitasunak dituzten Pertsonentzako Zerbitzua

      • Arabako arreta unitatea

        • Orientazio teknikaria

      • Bizkaiako arreta unitatea

        • Orientazio teknikaria

      • Gipuzkoako arreta unitatea

        • Orientazio teknikaria

        • Desgaitasunetan teknikari arduraduna

          • Administrazio laguntzailea

          • Hezkuntza laguntzaile espezialistak

          • Zeinu Hizkuntza Interpreteak

HEZKUNTZA INKLUSIBOA: ikasle guztien  berdintasun aukerak bermatuko dituen irakaskuntzaren diseinua, antolaketa eta garapena ikasketetako sarbidea, aurrerapena eta partaidetzan.  Hezkuntza interbentzio prozesu moduan ulertu behar da pertsona guztien ezaugarriak kontuan hartuz eta aniztasunari erantzuteko egokitzeko gaitasuna duena.

*AUKERA BERDINTASUNA: ikasketetan dauden oztopoak hautsi behar dira ikasleentzako guztientzako bideratua dagoen irakaskuntza prozesuan, ikasle guztiak beraien ezaugarriaz gain curriculumera sarbidea izan dezaten, egokitzapen indibidualak egiteko beharrik egon gabe eta modu honetan hezkuntza inklusiboago bat  lortuz.

HEZKUNTZA-LAGUNTZAKO PREMIA ESPEZIFIKOAK: batetik ikasle batzuk desgaitasun baten ondorioz edo/ta ikasteko zailtasun espezifiko, nahaste edo gaixotasun baten ondorioz ikasketak egiteko eta garatzeko dituzten premiak dira, eta bestetik, inklusioak, esparru horretan ere, hezkuntza-ekintzen buru izaten jarraitzen du eta ikasle guztien beharrei erantzuteko gaitasuna mantendu behar da, guztiek unibertsitateko hezkuntza ekitatiboa eta kalitatezkoa izan dezaten.

*DISEINU UNIBERTSALA: guztientzako diseinurako printzipioen aplikazioan (Mace, 1985; Preiser y Ostrosff, 2001; Story, 2011), bere ingelerazko jatorrizko hitza, Universal Design, eskola, institutu eta unibertsitatean ematen diren irakaskuntza ikaskuntza prozesuetarako saiakera lortu nahian, ikasle guztiak kontuan hartzea beraien ezaugarri edota egoera pertsonalaz gain.

*IDU=IKASKUNTZARAKO DISEINU UNIBERTSALA: IDU-aren definizioa curriculumari marko berri bat ematea da, hezkuntzarako hobekuntzak egitea ekarriko duena ikasle guztien aldetik eta batez ere desgaitasuna duten ikasleen aldetik (Hitchcock, Meyer, Rose y Jackson, 2002). IDU-ak ikasleen aniztasuna kontuan hartzen du curriculumean jasota dauden helburu, eduki, material eta ebaluaketan malgutasuna emanez. Egoera honek hezkuntza adituei ikasgeletan irakasteko modu desberdinak ezartzea  baimentzen du.

GJH- GARAPEN JASANGARRIRAKO HELBURUAK: 4.GJH= guztiontzako kalitatezko hezkuntza inklusiboa bermatzea eta 10. GJH= desberdintasunak murriztea. Garapen jasangarrirako 2030 EHUagendak 2019-2025 jasotzen ditu aipatutako helburuak.

*Ingrid Sala Bars, Sergio Sánchez Fuentes, Climent Giné Giné y Emiliano Díez Villoria. “Análisis de los distintos enfoques del paradigma del diseño universal aplicado a la educación”. Revista Latinoamericana de Educación Inclusiva. Vol. 8, nº1, pp. 143-152

Desgaitasunak dituzten Pertsonentzako Zerbitzua

Natalia Ortiz Blasco

Arabako Campuseko Errektoreordetza

Komandante Izarduy kalea, 2

01006 Vitoria-Gasteiz

T: 945 014343

• Kepa Gonzalez Antona

Gizarte eta Komunikazio Zientzien Fakultateko beheko aldea

Sarriena Auzoa, z/g

48940 Leioa

T: 94 6012258

• Maria Jiménez García

Larrako-Etxea

Lendakari Agirre,81

48015 Bilbao

T.: 94 6013709

Ane Amondarain Rodriguez / Mamen Lopez Lizarralde

Ignacio Mª Barriola Zentroa (Gelategia)

Elhuyar Plaza, 1

20018 Donostia

T: 943 018137 / 943 015184

discap@ehu.eus

www.ehu.eus/discapacidad